Şabuyldan keiın. Estoniia Reseimen şekaradaǧy barlyq beketın jappaq

260
Adyrna.kz Telegram
https://adyrna.kz/storage/uploads/Ju73kFin2LZ6s3IttNjLLxW091Aw2EustA0pVNiu.jpg

Estoniia bilıgı drondar öndırıletın käsıporyndy örteuge jasalǧan äreketke bailanysty 1 jeltoqsannan bastap Reseimen şekarany tolyq jabudy josparlap otyr. Estoniia qūqyq qorǧau organdarynyŋ nūsqasy boiynşa, būl ärekettıŋ artynda Reseidıŋ arnaiy qyzmetterı tūr. Al Mäskeu şekarany jabu josparyn «rusofobiianyŋ» körınısı dep atady, dep habarlaidy «Adyrna» tılşısı BBC-ge sılteme jasap.

15 qaraşada Estoniia premer-ministrı Kristen Mihal Reseimen şekaradaǧy barlyq ötkızu beketın jabu josparyn jariialady. Ol ükımettı senbı künı estondyq Threod Systems kompaniiasynyŋ ǧimaratyn örteuge jasalǧan äreketke bailanysty «barlyq qajettı şarany qabyldauǧa» şaqyrdy. Atalǧan kompaniia soqqy beretın jäne barlau jürgızetın ūşqyşsyz ūşu apparattaryn öndıredı.

Mihal būl oqiǧany «Resei arnaiy qyzmetterınıŋ kezektı diversiialyq äreketı» dep atady.

«Eger Resei Estoniia aumaǧynda gibridtı operasiialaryn jalǧastyrsa jäne reseilık arnaiy qyzmetterdıŋ adamdarǧa yqpal etu üşın şekaralyq ötkızu beketterın paidalanyp jatqanyn bılsek, bız özımızge tönetın qauıp-qaterdı azaituǧa daiyn boluymyz kerek. Şekarany jabu Estoniia tūrǧyndaryna tönetın qauıptı azaityp, qorǧanys önerkäsıbı men eldıŋ qorǧanys äleuetıne jasalǧan şabuyldarǧa jol berılmeitının aiqyn körsetedı», – delıngen Estoniia premer-ministrınıŋ resmi mälımdemesınde.

Köp ūzamai Estoniianyŋ syrtqy ıster ministrı Margus Sahkna Estoniia men Resei şekarasyndaǧy üş ötkızu beketınıŋ barlyǧy 1 jeltoqsannan bastap jūmysyn toqtatatynyn mälımdedı. Şekarany jabu turaly resmi şeşım osy aptada qabyldanady. Onyŋ qanşa uaqytqa jabylatyny äzırge belgısız.

«Resei Estoniiaǧa qarsy baǧyttalǧan dūşpandyq äreketterınıŋ saldary bolatynyn tüsınuı kerek. Bızdıŋ eldı qorqytuǧa, tūraqsyzdandyruǧa nemese qauıpsızdıgımızge nūqsan keltıruge baǧyttalǧan äreketter jauapsyz qalmaidy», – dedı Sahkna.

Onyŋ pıkırınşe, şekaralyq ötkızu beketterın jabu «Reseidıŋ Estoniia aumaǧynda dūşpandyq äreketter jürgızu mümkındıgın şekteidı».

«Estoniia Reseige jäne Reseiden qatynaityn kölık qozǧalysyn şekaralyq ötkızu beketterınde aitarlyqtai şektep, jaǧdai odan ärı uşyqqan jaǧdaida qatynas tolyq toqtatyluy mümkın ekenın är joly eskertıp keldı. Endı sol sät tudy», – dep tüsındırdı şeşımdı eldıŋ ışkı ıster ministrı İgor Taro.

Qazır Resei aumaǧynda jürgen Estoniia azamattaryna elge oralu üşın ekı apta uaqyt berıledı. Odan keiın «üige qaitu joly äldeqaida ūzarady», – dep eskerttı Taro.

Estoniianyŋ bas prokurory Astrid Asidıŋ aituynşa, oqiǧa 14 qaraşa, senbı künı tüngı saǧat 3 şamasynda bolǧan. Bırneşe adam Tallinnıŋ soltüstıgındegı Viimsi eldı mekenınde ornalasqan Threod Systems kompaniiasynyŋ aumaǧyna ört qoiu maqsatynda zaŋsyz kıruge ärekettengen.

Estoniia Işkı qauıpsızdık qyzmetınıŋ (KaPo) basşysy Margo Pallosonnyŋ mälımetınşe, şabuyl jasauşylar ǧimarattyŋ terezelerın syndyryp, ışıne janǧyş sūiyqtyq qūiyp, ört şyǧaruǧa jäne jarylys jasauǧa tyrysqan. Alaida kompaniianyŋ küzet qyzmetı örttı der kezınde söndırgen. Zardap şekkender joq. Öndırıs orny men önımderıne de zaqym kelmegen.

Oqiǧaǧa bailanysty segız adam ūstalǧan. Tergeu bes adamdy qamauǧa aludy sūrap otyr.

 

Pıkırler