اقتوبەدەگى تەرگەۋ يزولياتورىندا 35 جاستاعى ايەلى مەن ونىڭ 16 جاستاعى ۇلىن ءولتىردى دەگەن كۇدىكتىنىڭ كامەرانىڭ اجەتحاناسىندا اسىلىپ ولگەنى حابارلاندى.
29 ناۋرىزدا اقتوبەدە جان تۇرشىگەرلىك كىسى ءولىمى ورىن الدى. قىلمىس اقتوبە قالاسىنداعى پوبەدا داڭعىلىنداعى №30 ءۇيدىڭ پاتەرىندە جاسالعان. كۇدىكتى 35 جاستاعى ايەلى مەن 16 جاستاعى ۇلىن ولتىرگەنى جايىندا ايتىلادى. ال ونىڭ 13 جاستاعى سوفيا اۋىر جاراقات العان. مەكتەپ وقۋشىسى شۇعىل تۇردە جانساقتاۋ بولىمىنە جەتكىزىلىپ، كەيىن وتا جاسالعان.
كۇدىكتى 10 ساۋىردە قاماۋعا الىندى.
ەندى قىلمىستىق اتقارۋ جۇيەسى كوميتەتى كۇدىكتىنىڭ تەرگەۋ يزولياتورىندا ءوز-وزىنە قول جۇمساعانىن حابارلاپ وتىر.
"قىلمىسكەردى تۇندە مەكەمە قىزمەتكەرلەرى انىقتادى. تۇرمە كەزەكشىسى دەرەۋ العاشقى مەديتسينالىق كومەك كورسەتتى. قولدانىلعان شارالارعا قاراماستان، تۇتقىندى امان الىپ قالۋ مۇمكىن بولمادى. وقيعا ورنىنا جەتكەن جەدەل جاردەم بريگاداسى ونىڭ قايتىس بولعانىن حابارلادى. وقيعا ورنىنا جەدەل-تەرگەۋ توبى كەلدى.
وقيعا قر قىلمىستىق كودەكسىنىڭ 105-بابى ء(وز-وزىنە قول جۇمساۋ) بويىنشا سوتقا دەيىنگى تەرگەپ-تەكسەرۋ باستالدى»، - دەپ حابارلادى قاجك.
انىقتالعانداي، قازىرگى ۋاقىتتا وبلىستىق دەپارتامەنت قىزمەتكەرلەرىمەن ىشكى اۋديت تاعايىندالدى، ونىڭ قورىتىندىسى بويىنشا قولدانىستاعى زاڭناماعا سايكەس شارالار قابىلدانادى.
"ادىرنا" ۇلتتىق پورتالى
