Bügın, 16 qaraşada Qūryltai deputaty Iýrii Li Ükımet saǧatynda su aidyndaryndaǧy balalardyŋ qauıpsızdıgı mäselesın köterdı, dep habarlaidy «Adyrna» tılşısı.
«Biylǧy jyldyŋ 10 aiynda su aidyndarynda balalardyŋ qaza boluyna bailanysty 47 oqiǧa tırkelgen. Ötken jyldyŋ säikes kezeŋınde būl körsetkış 46 bolǧan. Qaiǧyly jaǧdailardyŋ basym bölıgı şomyluǧa arnalmaǧan oryndarda bolady», – dedı deputat.
Sondai-aq ol halyqaralyq täjıribede balalardyŋ suǧa ketuınıŋ aldyn alu üşın olardy jüielı türde jüzuge üiretu, şomylu men demaluǧa arnalǧan arnaiy qauıpsız oryndar ūiymdastyru şaralary qarastyrylǧanyn atap öttı.
Tötenşe jaǧdailar vise-ministrı Kegen Tūrsynbaev su aidyndarynda 47 balanyŋ qaza tapqanyn rastady. Ol balalardyŋ eresekterdıŋ qarauynsyz suǧa tüsuı asa qauıptı ekenın eskerttı.
«Oqiǧalardyŋ şamamen 85 paiyzy eresekterdıŋ nemese ata-analardyŋ balalardy qarausyz qaldyruy saldarynan bolady. Būl baǧytta da tiıstı jūmystar jürgızılıp jatyr», – dedı vise-ministr.
