Qazaqstan Respýblıkasynyń Bilim jáne Ǵylym mınıstrliginiń málimetinshe, 30-dan astam qazaqstandyq oqýshy robototehnıkadan FIRST halyqaralyq chempıonatynyń ulttyq fınalynyń qorytyndysy boıynsha AQSh-qa joldama jeńip aldy. Olar álemniń 200 bedeldi ýnıversıtetiniń birinde oqý úshin grant pen shákirtaqy alýǵa múmkindik beretin FIRST Alumni mártebesiniń ıegerleri.
Jarysqa Qazaqstannyń túkpir-túkpirinen 700-den astam oqýshy qatysty. Nátıjesinde 4 oqýshy Sýleıman Demırel atyndaǵy ýnıversıtette oqýǵa múmkindik beretin grant utyp aldy. Sonymen qatar chempıonatqa qatysqan 10 komanda Máskeý qalasyndaǵy FIRST jarysyna, al Krasnoıarsk qalasyna 6 komanda attanady.
«Bıyl qatysýshylar «Júk tasymaly» taqyryby boıynsha tapsyrmalar oryndady. Sondyqtan oqýshylar ózderi oılap tapqan shaǵyn júkterdi tasymaldaıtyn, taýarlardy suryptaıtyn jáne kedergilerdi aınalyp ótetin robottardy tanystyrdy. Chempıonattyń qorytyndysy boıynsha tórt komanda AQSh-qa joldama jeńip aldy. Sonymen qosa Almaty, Semeı jáne Túrkistan oblysynan 4 oqýshy bilim granttaryn jeńip aldy. Chempıonatqa elimizdiń shaǵyn aýyldary men qalalarynan kelgen mektep oqýshylaryn atap ótkim keledi. Buǵan deıin Túrkistan, Qyzylorda jáne Shyǵys Qazaqstan oblystarynda, Aqmola oblysynyń Atbasar qalasynda mektep oqýshylary men muǵalimderine robototehnıkadan trenıngter men jarystar ótkizip, balalar men oqytýshylardyń qyzyǵýshylyǵyn kórdik. Olar chempıonatqa kelip, bilim jaǵynan úlken qalalardyń oqýshylarynan kem túspeıtinine kózderin jetkize aldy», - dep aıtty Qazaqstandaǵy FIRST robototehnıka boıynsha halyqaralyq jarysynyń uıymdastyrýshysy Nurdáýlet Dosmaǵambet.
Oqýshylardan bólek, taǵy alty muǵalim «Best Mentor Award» nomınaııasy boıynsha FIRST marapattaryna ıe boldy.
Aıta keteıik, FIRST QR Bilim jáne ǵylym mınıstrligi oqýshylar men muǵalimderdiń qatysýy úshin usynǵan olımpıadalar tizimine engizilgen. Jyl saıyn FIRST jarysynyń uıymdastyrýshylary 6 men 18 jas aralyǵyndaǵy balalar arasynda túrli baıqaýlar ótkizedi. Ár saıys taqyryby men tapsyrmalardyń kúrdeliligimen erekshelenedi. Tapsyrmalar naqty álemdik máselelermen baılanysty, atap aıtqanda, ónerkásipti avtomattandyrý, taý-ken óndirý, qaldyqtardy óńdeý, ǵaryshty zertteý, bıomedıına jáne basqa da mańyzdy taqyryptardy qamtıdy.
«Adyrna» ulttyq portaly
