وقۋ اعارتۋ ءمينيسترى عاني بەيسەمباەۆ ەلىمىزدە مەكتەپ وقۋشىلارى اراسىندا زورلىق-زومبىلىق پەن ءولىم-ءجىتىم وقيعالارىنىڭ كوبەيۋى تۋرالى پىكىر ءبىلدىردى. بۇل تۋرالى مينيستر ءوزىنىڭ Facebook پاراقشاسىندا اتاپ ءوتتى، دەپ حابارلايدى “ادىرنا” ۇلتتىق پورتالى.
“سوڭعى جىلدارى مەكتەپ وقۋشىلارى اراسىندا زورلىق-زومبىلىق، الىمجەتتىك كوبەيگەن.تۇركىستان، قىزىلوردا، اتىراۋ، شىعىس قازاقستان وبلىستارىندا ورىن العان وقيعا ەشكىمدى بەي-جاي قالدىرعان جوق. الماتى وبلىسىندا سوڭعى رەت ەكى بالا قايتىس بولدى. مەن قايعىلى وقيعا بولعان وتباسىنا شىن جۇرەكتەن كوڭىل ايتامىن",- دەدى مينيستر.
بەيسەمباەۆ الىمجەتتىككە جول بەرۋگە بولمايتىنىن العا تارتتى. ول ءۇشىن قوعام بولىپ جۇمىلۋ كەرەك ەكەنىن جەتكىزدى.
"تاربيە جۇمىسى مەن اتا-انالار قاۋىمىمەن ءوزارا ءىس-قيمىلدى كۇشەيتۋ جونىندە تاپسىرما بەردىم. ءبىز ىشكى ىستەر مينيسترىمەن جانە اكىمدىكپەن بايلانىستامىز. قۇقىق قورعاۋ ورگاندارى وقيعا ورنىندا تەرگەۋ جۇمىستارىن جۇرگىزىپ جاتىر، كوميسسيا جۇمىس ىستەۋدە",- دەپ قوستى ول.
