Shýaǵy men sharapatyn shashqan, kóktemniń kórikti de kórkem kúninde Abaı atyndaǵy bilim ordasynda kezekti márte sóz dodasy ótti. Oǵan respýblıkalyq sheshendik saıystardyń júldegerleri, "Jyl sheshenderi" qatysty. Tartysqa toly báıgede qatysýshylardyń deńgeıi byltyrǵy jylǵa qaraǵanda óskenin kóz kórip, qulaq estidi. Barlyǵy tapqyr, barlyǵy el aldynda múdirmeı sóıleýdiń syryn uqqan.
Ataly sózdiń abyroıy asqan alamanda "Dilmar" úıirmesi jańa satyǵa kóterilgenin jańashyldyǵymen baıqatty. Tek sheshendik saıys qana emes, 8-synyptardyń arasynda babalar sózin jańǵyrtyp, búgingi ómirde qoldaný deńgeıin anyqtaý maqsatynda kórinis kórsetýshilerdiń de jarysy boldy. Tyń ıdeıamen tyńǵylyqty daıyndalyp, shyn sheberligin pash etken 8 "B" synybyń oqýshylary bas júldeni qanjyǵalady. Olar kórermenniń júzine kúlki de syılady.
Qara shańyraǵymyzdyń muǵalimderi men shákirtteri, joǵary oqý oryndarynyń stýdentteri men Almaty oblysyndaǵy Abaı jelilik mektebiniń oqýshylary bala dilmarlarymyzdyń kósile sóılegenine tánti boldy... Júırikterimiz aptalar boıy daıyndalǵan bes taqyrypty tańdaıy talǵansha kemeline jetkizip qorǵap shyqty.
Sóz saıysynda
Bas júldeni — úıirme múshesi Nuraı Serikjanqyzy,
1-oryndy — Jalǵas Serikboluly, Shámil Tımýrlanuly
2-oryndy Aıaýlym Aıdarqyzy, Aqerke Erbolatqyzy, Ramazan Nurlanuly(kolledj stýdenti),
3-oryndy — Shyńǵys Erboluly, Baqzada Ábdimanapqyzy, Bolatbek Baǵjan(Ál-Farabı atyndaǵy QazUÝ), Baǵdar Roza(Qazaq ulttyq Qyzdar pedagogıkalyq ýnıversıteti) qanjyǵalady.
Uly dalanyń rýhanı murasyn ulyqtaǵan, babalar amanatyn umytpaǵan ulaǵatty urpaqty sahna tórinen kórý — úlke-en syn ári baqyt.. Sol bir baqyttyń qusyn basymyzdan ushyryp almaǵanymyz jón. Aıtpaqshy, qazylar alqasy men qatysýshylarǵa jáne jalyqpaı, shyn ynta-yqylaspen súbeli sózdiń parqyna kóńil bólgen kórermenderge aq júregimizben alǵys aıtamyz!
Shámil Tımýrlanuly, "Dilmar" úıirmesiniń múshesi, Abaı atyndaǵy RMMI-diń 10-synyp oqýshysy.
