2022 jylǵy 16 qarashada Qazaqstan Respýblıkasy Ǵylym jáne joǵary bilim mınıstrliginiń uıymdastyrýymen Túrkistan qalasynda Ahmet Baıtursynulynyń 150 jyldyq mereıtoıyna arnalǵan Halyqaralyq túrkitanýshylar kongresi ótti.
Qazaqstan Respýblıkasynyń Prezıdenti Qasym-Jomart Toqaevtyń quttyqtaý sózin Túrkistan oblysy ákimi Darhan Satybaldy oqydy.
Memleket Basshysynyń quttyqtaýynda «Ult ustazy atanǵan Ahań túbi bir, tarıhy tamyrlas elder úshin asa qundy ǵylymı-tanymdyq mura qaldyrdy. Sol sebepti ony barsha túrki jurty qurmet tutady. Ázerbaıjan, bashqurt, ózbek túrik halyqtarynyń belgili ǵalymdary bas qosqan búgingi kongress sonyń aıqyn dáleli», - delingen.
Kongreste IýNESKO Bas dırektorynyń orynbasary Ramos Gabrıelanyń Ahmet Baıtursynulynyń 150 jyldyq mereıtoıyna arnalǵan quttyqtaý sózi beınejazba arqyly berildi.
Kongreste TÚRKSOI Bas hatshysynyń orynbasary Bılıal Chakydjy quttyqtaý sózin oqydy.
Qazaqstan Respýblıkasy Ǵylym jáne joǵary bilim vıe-mınıstri Talǵat Eshenqulov Ahmet Baıtursynulynyń 150 jyldyq mereıtoıy aıasynda atqarylǵan mańyzdy is-sharalar jóninde baıandama jasady.
Is-sharaǵa Qazaqstan, Túrkııa, Ázerbaıjan, Ózbekstan, Reseı ǵalymdary qatysyp, mazmundy baıandamalar jasady.
Kongress aıasynda Ahmet Baıtursynulynyń 12 tomdyq jınaǵynyń, Ahmet Baıtursynulynyń tańdamaly shyǵarmalarynyń 4 tilde (qazaq, orys, aǵylshyn, túrik) ázirlengen kitabynyń, professor Qarjaýbaı Sartqojaulynyń «Orhon eskertkishteriniń tolyq atlasy» 3 tomdyǵynyń, fılologııa ǵylymdarynyń doktory Almasbek Ábsadyqovtyń «Sert», «Ustaz joly» kitaptarynyń tusaýkeseri ótti.
TÚRKSOI-dyń «Ahmet Baıtursynuly» medalimen jáne Qazaqstan Respýblıkasy Ǵylym jáne joǵary bilim mınıstrliginiń «Ahmet Baıtursynuly» vedomstvolyq tósbelgisimen Qazaqstan, Túrkııa, Ózbekstan ǵalymdary marapattaldy.
Plenarlyq otyrys sekııa otyrystarymen jalǵasty.
«Ahmet Baıtursynuly jáne túrki tilderiniń teorııasy men tarıhy» sekııasyna Qazaqstan Respýblıkasy Ulttyq ǵylym akademııasynyń akademıgi, fılologııa ǵylymdarynyń doktory, professor Sherýbaı Qurmanbaıuly jetekshilik etti.
«Ahmet Baıtursynuly jáne sóz óneri» sekııasyna «Egemen Qazaqstan» respýblıkalyq gazeti» jaýapkershiligi shekteýli seriktestiginiń Bas dırektory, fılologııa ǵylymdarynyń doktory Dıhan Qamzabekuly jetekshilik etti.
«Ahmet Baıtursynuly jáne qoǵamdyq-gýmanıtarlyq ǵylymdar» sekııasyna Qazaqstan Respýblıkasy Bilim akademııasynyń korrespondent múshesi, fılologııa ǵylymdarynyń kandıdaty Erbol Tileshov jetekshilik etti.
Kongress qorytyndysy boıynsha qarar qabyldandy.
