Bügın Alaş arystary negızın qalaǧan «Qazaq» gazetınıŋ jaryqqa şyqqanyna 110 jyl

- 2 aqpan – ūlt jurnalistikasy men ruhaniiaty üşın atauly kün. Sebebı, osydan 110 jyl būryn HH ǧasyr basyndaǧy ümıt pen üreidıŋ arasyndaǧy arpalys küreste ūlttyŋ joǧyn joqtap, qajetın tügendegen «Qazaq» gazetınıŋ alǧaşqy nömırı şyqqan edı. Gazet ūlttyq renesanstyŋ bastauynda tūryp, halqymyzdyŋ aqyl-oiyn, sana-sezımın mülde bölek arnaǧa būrdy. Ahmet Baitūrsynūly, Älihan Bökeihanūly, Mırjaqyp Dulatūly sekıldı ūlt ziialylarynyŋ esımderımen ūştasyp jatqan basylym – talai tarihtyŋ kuäsı, halyqtyŋ ruhani qazynasy. Ūlt ūstazy A.Baitūrsynūlynyŋ «Gazet – halyqtyŋ közı, qūlaǧy häm tılı» degen äigılı sözı «Qazaq» gazetınıŋ alǧaşqy sanynda jaryq körgen maqalada aitylǧan edı. Būl söz ǧasyrdan asa uaqyt boiy qazaq baspasözınıŋ damuyna demeu bolyp, ūranyna ainaldy. «Qazaq» gazetı qai zamanda da halyqtyŋ ünın jetkızıp, uaqyt synyna tözıp, özındık sony sürleuın qalyptastyrdy", - dep jazdy ministr. 

- «Qazaqtyŋ tarihy», «Dın talasy», «Jer ızdegen qazaqtar!», «Qazaqtan soldat ala ma?», «Zemstvo ne närse?», «Ūry tiiu» sekıldı ūlttyŋ jan-jüregın syzdatqan özektı taqyryptardy jūrtpen bırge talqyǧa saldy. Tarihqa qarap otyrsaq, «Qazaqtyŋ» jalpy 266 nömerı jaryq körıptı. Alǧaşqy 40 nömırın Mūstafa Orazaev bastyrsa, 41 nömırınen bastap «Azamat serıktıgı» arqyly basyldy. 1913 jyly 44, 1914 jyly 48, 1915 jyly 71, 1916 jyly 48, 1917 jyly 46, 1918 jyly 9 nömırı jaryqqa şyqty. Soŋǧy №266 sany – 1918 jyly 26 qyrküiekte oqyrman nazaryna ūsynyldy. Täuelsız eldıŋ bügıngı baspasözı de «Qazaq» gazetınıŋ azatkerlık ızımen el qajetıne jūmys ıstep jatyr. «Qazaq gazetterı» degen ardaqty atty arqalaǧan jaŋa qūrylym da ata basylymnyŋ däuırlık jügın arqalap, bolaşaq üşın qyzmet qylar dep senemız. «Qazaq» gazetınıŋ 110 jyldyǧy laiyqty atap ötıledı. Şyǧatyn ǧylymi saraptamalar, arhivten alynatyn tyŋ materialdar men türlı televiziialyq tüsırılımder ūlt baspasözı temırqazyǧynyŋ atyn asqaqtatary sözsız",- deidı Darhan Qydyrälı.

"Adyrna" ūlttyq portaly