Jýrnalıst Marfýǵa Shapııan Irandaǵy qazaqtarmen tildesip, alystaǵy aǵaıynnyń tynys-tirshiligi jaıly baıandady. Shettegi qazaqtyń ystyq yqylasy, ińkár kóńili kópshiliktiń júregin eljiretti, dep habarlaıdy "Adyrna" ulttyq portaly.
Jýrnalıst áleýmettik jelide Tehran qalasy mańyndaǵy Iran qazaqtary turatyn, Kaspıı teńizine jaqyn ornalasqan Gorgan qalasyna barǵanyn jazdy. Jat mekende júrgen qazaqtarmen tildesip, ulttyq bolmysynan ajyramaǵan aıryqsha qalpyn sýrettedi.
- Iranda qazaq áıelderin aq jaýlyǵynan tanısyń. Báriniń júzinen nury, tilinen alǵysy, tilegi tógilip tur, - dep jazdy jýrnalıst.
Oraıy kelgende aıta keteıik, Iran qazaqtarynyń sany naqty aıtylmaıdy. Al Iran halqynyń sany 80 mıllıonǵa jeteǵabyl dep esepteledi. Iran qazaqtary Gúlstan provınııasyndaǵy Gorgan, Bándar-Túrkimen, Gýnbad-ı Kabýs jáne Aqqala qalalarynda shoǵyrlanǵan. Irannyń Gorgan qalasynda turatyn qazaq azamaty Jafar Shadkam mundaǵy qazaqtardyń betashar, qyz uzatý, quda kútý, oramal toıy sekildi salttaryn joǵaltpaı, berik ustanatynyn aıtqan edi.
"Adyrna" ulttyq portaly
