Almatyda taǵy bir stýdenttiń óli denesi tabyldy, dep habarlaıdy "Adyrna" ulttyq portaly.
Onyń ólimi jaıly aqparat búgin BAQ betterinde jarııalandy. Qalalyq PD málimetinshe, stýdenttiń qalaı kóz jumǵany belgisiz.
Stýdent Almaty Management University-de bilim alǵan. JOO baspasóz qyzmeti stýdenttiń ólimi týraly aqparatty rastady. Qaıǵyly oqıǵanyń sebepteri men mán-jaıyn quqyq qorǵaý organdary anyqtap jatyr.
"Ýnıversıtet quqyq qorǵaý organdaryna oqıǵanyń barlyq mán-jaıyn anyqtaý úshin jan-jaqty kómek kórsetedi. Almaty Management University ákimshiligi marqumnyń týystary men jaqyndaryna kóńil aıtady jáne onyń otbasyna qajetti qoldaý kórsetedi", – dep jazdy ýnıversıtettiń baspasóz qyzmeti.
Polıııa qylmystyq istiń qozǵalǵanyn málimdedi.
"Osy fakti boıynsha Bostandyq aýdandyq polıııa bólimi qylmystyq is qozǵady", – delingen habarlamada.
Aıta keteıik, úsh kún buryn Almatydaǵy UQK Shekara akademııasynyń kýrsantynyń da máıiti tabylǵan edi.
