Petropavlda er adam kóligin 5 mınýttan artyq qyzdyrǵany úshin aıyppul tóleýge májbúr boldy, dep habarlaıdy "Adyrna" ulttyq portaly.
Bul týraly polıııaǵa kórshisi habarlaǵan. Nátıjesinde kólik ıesine 5 AEK (19 660 teńge) aıyppul salyndy.
Bul jaǵdaı óńir turǵyndary arasynda qyzý talqylandy. Sebebi aýa temperatýrasy keıde -40 gradýsqa deıin tómendeıtin aımaqta kólikti 5 mınýtta jylytý qıyn.
Ishki ister departamenti bul talaptyń jańalyq emes ekenin, jol júrisi qaǵıdalarynyń 20 jyldan beri bar bóligi ekenin túsindirdi. Olardyń málimetinshe, eger kólik qozǵaltqyshy qosýly kúıde 5 mınýttan artyq tursa jáne bul turǵyndarǵa qolaısyzdyq týdyrsa, kólik ıesine Ákimshilik quqyq buzýshylyq týraly 597-babynyń 1-bóligi “Kólik quraldaryn toqtatý nemese toqtap turý qaǵıdalaryn buzý” boıynsha aıyppul salynady.
Soltústik Qazaqstan oblysynyń polıııa departamenti mundaı aıyppuldardyń jappaı salynbaıtynyn, tek turǵyndardan shaǵym túsip, jetkilikti dálelder bolǵan jaǵdaıda ǵana shara qoldanylatynyn aıtty.
Eske sala keteıik, buǵan deıin kólikti 5 mınýttan artyq qyzdyrǵandarǵa 19 myń teńge aıyppul salynatyny týraly jazǵan edik.
15 qańtar kúni Májiliste kólikti 5 mınýttan artyq qyzdyrǵany úshin aıyppul salý normasyn ortalyq jáne soltústik óńirlerdiń klımattyq erekshelikterin eskere otyryp, ádiletti joldaryn qarastyrý usynyldy.
