Jyl basynan beri, nebári úsh aı ishinde, Jambyl oblysynyń 13 azamaty zań aıasynda óz ultyn aýystyrýǵa úshin ótinish bergeni anyqtaldy. Bul týraly Jambyl oblysynyń polıııa departamenti kóshi-qon qyzmeti basqarmasynyń bastyǵy Arman Turdalıev málimdedi, dep jazdy "Adyrna" ulttyq portaly.
Jambyl oblysy boıynsha ózine qatysty derekterli ózgertýge qazirgi kúni 528 adam múddeli.
Onyń ishinde, atap aıtar bolsaq, 501 azamat tegin aýystyrǵysy kelse, 14 turǵyn týǵan kúni men jylyn ózgertýdi qalaǵan. Tipti, oblystyń 13 azamaty ózge ult ókili atanǵysy kelgen.
Arman Turdalıev QR azamattyǵyna jeńildetilgen tártip boıynsha 542 adam, QR Prezıdentiniń Jarlyǵy boıynsha 54 adam qabyldanǵanyn jetkizdi.
Sandardy sóıleter bolsaq, jyl basynan beri oblys turǵyndaryna 9657 pasport, 23591 jeke kýálik berilip, 4295 azamattyń joǵalǵan qujattary qaıta qalpyna keltirilgen.
Jeke basyn kýálandyratyn qujat resimdeý úshin 33 myń 139 elektrondyq ótinim jiberilgen.
Oraıy kelgende aıta keteıik, Jambyl oblysynda jalǵan qujat toltyrdy dep aıyptalyp, jaýapqa tartylǵandarǵa qatysty jańalyq dúıim jurtqa tarady. Taraz qalasynyń №2 soty alaıaqtyq, iri mólsherde bógdeniń múlkin jymqyrý jáne ıemdený boıynsha aıyptalǵan 4 tulǵaǵa qatysty úkim shyǵardy. Sot taratqan málimet boıynsha, kúdiktiler "Albıon" qulpynaı kóshetteri úshin (olardy sharýa qojalyqtaryna rásimdep) memleketten sýbsıdııalar alǵan. Qarajattyń bir bóligi alaıaqtyq jolymen urlanyp, jeke qajettilikterine jumsalǵan, osylaısha memleketke 550 849 430 teńge kóleminde zalal keltirgen. Aıyptalýshylardyń arasynda "Aýyl" partııasynan saılanǵan depýtat Jıgýlı Daırabaevtyń uldary: Dıdar Moldaqalyq pen Marat Daırabaev bar.
"Adyrna" ulttyq portaly
