Jyl basynan berı, nebärı üş ai ışınde, Jambyl oblysynyŋ 13 azamaty zaŋ aiasynda öz ūltyn auystyruǧa üşın ötınış bergenı anyqtaldy. Būl turaly Jambyl oblysynyŋ polisiia departamentı köşı-qon qyzmetı basqarmasynyŋ bastyǧy Arman Tūrdaliev mälımdedı, dep jazdy "Adyrna" ūlttyq portaly.
Jambyl oblysy boiynşa özıne qatysty derekterlı özgertuge qazırgı künı 528 adam müddelı.
Onyŋ ışınde, atap aitar bolsaq, 501 azamat tegın auystyrǧysy kelse, 14 tūrǧyn tuǧan künı men jylyn özgertudı qalaǧan. Tıptı, oblystyŋ 13 azamaty özge ūlt ökılı atanǧysy kelgen.
Arman Tūrdaliev QR azamattyǧyna jeŋıldetılgen tärtıp boiynşa 542 adam, QR Prezidentınıŋ Jarlyǧy boiynşa 54 adam qabyldanǧanyn jetkızdı.
Sandardy söileter bolsaq, jyl basynan berı oblys tūrǧyndaryna 9657 pasport, 23591 jeke kuälık berılıp, 4295 azamattyŋ joǧalǧan qūjattary qaita qalpyna keltırılgen.
Jeke basyn kuälandyratyn qūjat resımdeu üşın 33 myŋ 139 elektrondyq ötınım jıberılgen.
Oraiy kelgende aita keteiık, Jambyl oblysynda jalǧan qūjat toltyrdy dep aiyptalyp, jauapqa tartylǧandarǧa qatysty jaŋalyq düiım jūrtqa tarady. Taraz qalasynyŋ №2 soty alaiaqtyq, ırı mölşerde bögdenıŋ mülkın jymqyru jäne iemdenu boiynşa aiyptalǧan 4 tūlǧaǧa qatysty ükım şyǧardy. Sot taratqan mälımet boiynşa, küdıktıler "Albion" qūlpynai köşetterı üşın (olardy şarua qojalyqtaryna räsımdep) memleketten subsidiialar alǧan. Qarajattyŋ bır bölıgı alaiaqtyq jolymen ūrlanyp, jeke qajettılıkterıne jūmsalǧan, osylaişa memleketke 550 849 430 teŋge kölemınde zalal keltırgen. Aiyptaluşylardyŋ arasynda "Auyl" partiiasynan sailanǧan deputat Jiguli Dairabaevtyŋ ūldary: Didar Moldaqalyq pen Marat Dairabaev bar.
"Adyrna" ūlttyq portaly
Ūqsas jaŋalyqtar
