جىل باسىنان بەرى، نەبارى ءۇش اي ىشىندە، جامبىل وبلىسىنىڭ 13 ازاماتى زاڭ اياسىندا ءوز ۇلتىن اۋىستىرۋعا ءۇشىن ءوتىنىش بەرگەنى انىقتالدى. بۇل تۋرالى جامبىل وبلىسىنىڭ پوليتسيا دەپارتامەنتى كوشى-قون قىزمەتى باسقارماسىنىڭ باستىعى ارمان تۇرداليەۆ مالىمدەدى، دەپ جازدى "ادىرنا" ۇلتتىق پورتالى.
جامبىل وبلىسى بويىنشا وزىنە قاتىستى دەرەكتەرلى وزگەرتۋگە قازىرگى كۇنى 528 ادام مۇددەلى.
ونىڭ ىشىندە، اتاپ ايتار بولساق، 501 ازامات تەگىن اۋىستىرعىسى كەلسە، 14 تۇرعىن تۋعان كۇنى مەن جىلىن وزگەرتۋدى قالاعان. ءتىپتى، وبلىستىڭ 13 ازاماتى وزگە ۇلت وكىلى اتانعىسى كەلگەن.
ارمان تۇرداليەۆ قر ازاماتتىعىنا جەڭىلدەتىلگەن ءتارتىپ بويىنشا 542 ادام، قر پرەزيدەنتىنىڭ جارلىعى بويىنشا 54 ادام قابىلدانعانىن جەتكىزدى.
سانداردى سويلەتەر بولساق، جىل باسىنان بەرى وبلىس تۇرعىندارىنا 9657 پاسپورت، 23591 جەكە كۋالىك بەرىلىپ، 4295 ازاماتتىڭ جوعالعان قۇجاتتارى قايتا قالپىنا كەلتىرىلگەن.
جەكە باسىن كۋالاندىراتىن قۇجات رەسىمدەۋ ءۇشىن 33 مىڭ 139 ەلەكتروندىق ءوتىنىم جىبەرىلگەن.
ورايى كەلگەندە ايتا كەتەيىك، جامبىل وبلىسىندا جالعان قۇجات تولتىردى دەپ ايىپتالىپ، جاۋاپقا تارتىلعاندارعا قاتىستى جاڭالىق ءدۇيىم جۇرتقا تارادى. تاراز قالاسىنىڭ №2 سوتى الاياقتىق، ءىرى مولشەردە بوگدەنىڭ مۇلكىن جىمقىرۋ جانە يەمدەنۋ بويىنشا ايىپتالعان 4 تۇلعاعا قاتىستى ۇكىم شىعاردى. سوت تاراتقان مالىمەت بويىنشا، كۇدىكتىلەر "البيون" قۇلپىناي كوشەتتەرى ءۇشىن (ولاردى شارۋا قوجالىقتارىنا راسىمدەپ) مەملەكەتتەن سۋبسيديالار العان. قاراجاتتىڭ ءبىر بولىگى الاياقتىق جولىمەن ۇرلانىپ، جەكە قاجەتتىلىكتەرىنە جۇمسالعان، وسىلايشا مەملەكەتكە 550 849 430 تەڭگە كولەمىندە زالال كەلتىرگەن. ايىپتالۋشىلاردىڭ اراسىندا "اۋىل" پارتياسىنان سايلانعان دەپۋتات جيگۋلي دايراباەۆتىڭ ۇلدارى: ديدار مولداقالىق پەن مارات دايراباەۆ بار.
"ادىرنا" ۇلتتىق پورتالى
