Bügınde älemdık tehnologiialyq alpauyt kompaniialarda eŋbek etetın qazaq jastarynyŋ qatary artyp keledı. Solardyŋ bırı – Şymkent qalasynda düniege kelgen Nūrly Küzdıkbai. Qazırgı taŋda ol Londonda ornalasqan Amazon kompaniiasynda data-analitik qyzmetın atqarady.
Nūrly Küzdıkbaidyŋ käsıbi joly bırden IT salasynan bastalǧan joq. Ol bastapqyda qūrylys injeneriiasy mamandyǧy boiynşa bılım alǧan. Alaida uaqyt öte kele özınıŋ qyzyǧuşylyǧy aqparattyq tehnologiialar men derekterdı taldau salasyna jaqyn ekenın tüsınedı. Osylaişa ol jaŋa baǧytty meŋgeruge şeşım qabyldaidy.
IT salasyna bet būrǧan Nūrly data-analitika negızderın türlı onlain kurstar arqyly üirendı. Özdıgınen bılım alyp, derekterdı öŋdeu, taldau jäne vizualizasiialau qūraldaryn meŋgere bastaidy. Qysqa uaqyt ışınde bırneşe praktikalyq joba jasap, käsıbi portfoliosyn qalyptastyrady. Būl onyŋ täjıribesın körsetıp qana qoimai, halyqaralyq kompaniialardyŋ nazaryn audaruǧa mümkındık berdı.
Nätijesınde Nūrly Küzdıkbai älemdegı eŋ ırı tehnologiialyq kompaniialardyŋ bırı sanalatyn Amazon qūramyna qosylyp, data-analitik retınde jūmysqa ornalasty. Bügınde ol kompaniiadaǧy derekterdı taldau, biznes körsetkışterın zertteu jäne şeşım qabyldauǧa kömektesetın analitikalyq esepter daiyndau baǧytynda eŋbek etıp keledı.
