Äleumettık jelıde elorda köşelerın öz qolymen jasaǧan elektrbordpen aralaǧan jıgıttıŋ videosy tarady, dep habarlaidy «Adyrna» tılşısı Tengri Life-qa sılteme jasap.
28 jastaǧy Arystan tıptı qys kezınde de köşede jüre alatyn elektrskeit nūsqasyn jasaǧan. Aituynşa, ol būl kölık qūralyn ekınşı jyl qatarynan qoldanyp keledı.
Önertapqyş qazırgı taŋda injener-jobalauşy bolyp jūmys ısteidı.
«Būl — tolyqtai avtorlyq joba emes, köbırek yŋǧailylyq pen senımdılıktı arttyruǧa baǧyttalǧan tiuning. Skeit qolyma öte naşar küide tüstı . Ony tügeldei bölşektep, ūsaq bölşegıne deiın auystyrdym. Jinauǧa şamamen bır apta kettı. Keibır bölşekterdı 3D-printermen basyp şyǧardym, qalǧandaryn ärtürlı jerden tapsyryspen aldym. Qūrylǧy pult arqyly basqarylady, onda gaz jäne tejeu tetıkterı bar», — deidı ol.
Arystan üşın gadjetterdı jasau men jetıldıru — jan tynyştyǧy. Ol negızgı jūmysynyŋ tehnikalyq ärı şyǧarmaşylyq küştı köp qajet etetının, sondyqtan keide ruhani demalys retınde osyndai ıspen ainalysudy ūnatatynyn mälımdedı.
Bır qyzyǧy, Arystannyŋ äleumettık jelılerde jeke paraqşalary joq. Aituynşa, oǧan uaqyt jetıspeidı.
«Jūbaiym ünemı: «Blog jürgız, sende qyzyq jūmys bar ǧoi, kürdelı närselerdı qarapaiym tılmen jaqsy tüsındıresıŋ»,– deidı. Äzırge oilanyp jürmın», — dedı Arystan.
Keleşekte ol jaŋa qūrylǧylardy qūrastyru men jasaudy jalǧastyrudy josparlap otyr.
