Qasym-Jomart Toqaev Tokio Olimpiadasynan sabaq alu keregın aitty. Būl turaly Prezident Twitter jelısınde jazdy.
«Ūlttyq qūramnyŋ Olimpiadadaǧy körsetkışı sport sekıldı asa maŋyzdy salada şūǧyl ärı tiımdı reformalar jürgızu qajet ekenın körsettı. Būqaralyq jäne balalar sportyn damytuǧa köŋıl bölıp, sol arqyly älemdık arenada ülken tabystarǧa qol jetkızuge ūmtylu qajet», - dedı Prezident.Alaida, onyŋ aituynşa, 8 qola medal alyp, jalpy komandalyq esepte 83-orynǧa taban tıregen Ūlttyq qūramanyŋ būl körsetkışı Qazaqstannyŋ sporttaǧy äleuetıne jäne memleket tarapynan sportty damytuǧa bölınıp otyrǧan mol qarajatqa säikes kelmeidı.
«Tokioda ötken Olimpiada oiyndaryna Qazaqstannan 93 sportşy qatysty. Jeŋıske jetu jolynda bar küş-jıgerı men şeberlıgın körsetken atletterge alǧysymdy bıldıremın. Olimpiadanyŋ qola jüldegerlerın qūttyqtaimyn. Būl ūzaq uaqyt boiy jürgızgen tabandy jattyǧulardyŋ jaqsy nätijesı. Tokio Olimpiadasynan sabaq alyp, Parijde ötetın kelesı oiyndarda halyq ümıtın aqtaityndai nätijege qol jetkızu kerek», - dedı ol.
Ūqsas jaŋalyqtar
