«Adyrna» ulttyq portaly «Saılaý - 2023» aıdary boıynsha Parlament májilisine jáne jergilikti máslıahttarǵa depýtattyqqa úmitkerlermen suhbattar júrgizýde. Búgin Jambyl oblysy, Turar Rysqulov aýdanynyń Máslıhatynyń depýtattyǵyna úmitker Saqpanqýlov Erdos Tilepbaıulymen shaǵyn suhbat qurǵan edik.
– Erdos myrza, sizdiń Jambyl oblysy, Turar Rysqulov aýdanynyń Máslıhatynyń depýtattyǵyna úmitker retinde tirkelgenińizdi bilemiz. Ne sebepti máslıhat depýtaty bolýǵa sheshim qabyldadyńyz?
– Men aýdanymyz ben aýylymyzdyń damýyna óz úlesimdi qosqym keledi. Búginde aýyl-aýdanymyzda jınalyp qalǵan máseleler shash-etekten. Atap aıtqanda, aýdanymyzdyń ortalyq kanalızaııa qubyry ábden tozyp, isten shyǵýdyń aldynda tur. Aýdannyń keıbir aýmaqtarynda kanalızaııa múlde jlqtyń qasy. Bul adamdardyń densaýlyǵyna, ómir súrý sapasyna keri áserin tıgizeri sózsiz. Kez kelgen memlekettiń eń birinshi baılyǵy – adam jáne onyń densaýlyǵy.
Ózim qurylys salasynyń mamany bolǵandyqtan, dál osy máseleniń qyr-syryn tereń bilemin. Erteń depýtattyq mandatqa ıe bolǵanda jumysymdy dál osy túıitkildi sheshýden bastasam deımin.
Aýdanymyzdy jańa ǵımarattarmen gúldenip-damýyna, áleýmettik nysandardy abattandyrýǵa óz úlesimizdi qossam deımin. Atap aıtqanda, jalpy mektepter, sport mektepteri, saıajaılar, baý-baqshalar jáne taǵy basqa nysandardyń sanyń artýyna eńbek etemin.
Jer-sý, jaıylym máseleleri boıynsha júıeli jumys júrgizýdi josparlap otyrmyn. Jaıylym jerler kúnnen kúnge tarylyp barady. Bul boıynsha zertteýler júrgizip, aldaǵy ýaqytta naqty usynystar ázirlenetin bolady.
Aýdanymyz ben aýyldarymyzdyń ekologııalyq máselesi de kún sanap kúrdelenip barady. Bul búkil álemde qalyptasyp otyrǵan jaǵdaı. Búkil el bolyp bárimiz birlesip sheshetin ózekti másele. Al depýtattardyń bul máselene tipti beı-jaı qaraýyna bolmaıdy.
Múmkindigi shekteýli adamdarǵa, kóp balaly otbasylarǵa, jetimder men jalǵyz basty analarǵa áleýmettik kómek kórsetý, jumyspen qamtý máseleleri boıynsha jergilikti memlekettik organdarmen birlese otyryp zańnamalyq jumystar júrgizýdi josparǵan jaıymyz bar.
«Aýylym – altyn besigim» degen qazaqpyz. Qazaq eliniń bolashaǵy aýylda dep esepteımin. Sol úshin qazirden bastap aýylǵa durystap kóńil bólýimiz qajet.
«It toıǵan jerine, er týǵan jerine...» deıdi. Óz týǵan aýylyma qyzmet etýdi paryzym dep sanaımyn.
– Ózińizdi oqyrmandarǵa qysqasha tanystyryp jiberseńiz. Eńbek jolyńyzdy da bile oyrsaq, artyq etpeıdi.
– 1985 jyly Turar Rysqulov aýdanynyń Kókdónen aýylynda dúnıege keldim. Al Almaty qurylys jáne menedjment kolledji, Taraz H.M.Dýlatı ýnıversıtetinde ınjener qurylysshy mamandyǵyn oqyp aıaqtadym. Eńbek jolymdy 2003 jyly «Taraz qurylys dızaıny» mekemesinde qarapaıym qurylysshy bolyp bastadym. Sodan bastap ártúrli qurylys komanııalarymdy jemisti qyzmet ettim. Odan keıin 2017-2018 j. Almaty oblysy, Qarǵaly aýylyndaǵy "Jan-Taıyr Sáýlet" JShS basshysy atandym. 2018-2021 jyldary Almaty qalasy "Stroi SERVICE GROUP KZ" JShS basshysy boldym. Odan ózge de qurylys salasyna qatysty mekemelerde laýazymdy qyzmetter atqardym. Qazirgi tańda "TuranExpert" JShS basshysymyn jáne Alamyt oblysy boıynsha saraptama palatasynyń aımaqtyq ókilimin.
Joǵaryda atalǵan kompanııalardyń bári de sáýlet, qurylys, saraptama, geologııalyq barlaýmen tyǵyz baılanysty mekemeler.
Osy tájirıbemmen, bilimmen el ıgiligine qyzmet etý barysynda bóliskendi jón kórdim. Sol sebepti, saılaýǵa túsýge bel býdym.
«Jańa Qazaqstan», «Ádiletti Qazaqstan» uǵymdarynyń shyn máninde elge qyzmet etetin ýaqyty keldi. Sózden iske kóshetin kez jetti! Alash qaıratkeri Álıhan Bókeıhan « Ultqa qyzmet etý – bilimnen emes, minezden» degendeı, biz de elimizge qal-qadirimizshe eńbek etýdi murat tutyp otyrmyn.
Áńgimelesken Nurtaı ERIKULY
