Memleket basshysy Qasym-Jomart Toqaev ózi málimdegendeı elimizde 2022 jyldyń 20 qarashasy kúni ótetin kezekten tys prezıdenttik saılaýynda elishilik turaqtylyq pen saılaý proedýralarynyń qatań saqtalýyn qamtamasyz etý maqsatynda elimizdiń barlyq aýmaǵyn qamtıtyn óńirlik shtabtary bar táýelsiz baqylaýshylardyń «BAQYLA» Qoǵamdyq qozǵalysy qurylady, dep habarlaıdy «Adyrna» tilshisi.
Aýmaqtyq baqylaýshylar jelisi jumysy Almaty qalasyndaǵy Ortalyq shtab pen elimizdiń 26 qalasynda ornalasqan óńirlik shtabtar arqyly júrgiziledi (tizim qosymsha usynylady).
Qozǵalystyń baqylaýshylary elimizdiń 26 iri qalasynda barlyǵy 3,2 myńnan astam saılaý ýchaskelerinde baqylaýshylyq jasaıdy.
Saıasattanýshy Dos Kóshimniń atap ótkenindeı saılaý proesine belsendi qatysatyn toptyń biri – baqylaýshylar. Olardyń saýatty jumys isteýi, baqylaýdyń barlyq tásilderin tereń meńgere bilýi – Qazaq elindegi Saılaý júıesiniń jaqsarýynyń bir kepili.
“Meniń mindetim – árbir oblys. qalalardaǵy baqylaýshylardy daıyndaıtyn trenerlerdi daıyndaýǵa arnalǵan arnaıy oflaın, múmkindik bolsa, on laın semınar-trenıngter júrgizý, saılaýdy baqylaý barysynda týyndaǵan suraqtarǵa jaýap berý bolyp tabylady”, – deıdi ol.
Qozǵalys belsendisi Baqytjan Buqarbaıdyń pikirinshe 2019 jyly baqylaýshylar ınstıtýty elde jańa qarqyn alyp, bılik sanasatyn qoǵamdyq kúshke aınalǵan.
“Túrli sebepterge baılanysty qazir eldegi azamattyq qoǵamnyń kúıin kóńil kónshitetindeı dep aıtýǵa kelmeıdi. Sol úshin bizdiń uran «Kún saıyn azamat bol!» bolýy kerek.Men úsh jyl buryn belsendi baqylaýshylardyń qatarynda boldym, osy joly el boıynsha baqylaýshylardy qalyptastyrýǵa dárister ótkizý arqyly atsalysaıyn dep jatyrmyn. Baqylaýshylardyń negizgi bóligi jastar bolmaq dep oılaımyn, atap aıtqanda, olarǵa «Azamattyq qoǵam ne úshin kerek?» jáne «Qalaı tıimdi post jazý kerek?» taqyryptarynda dárister ótkizýdi josparlap otyrmyn. Budan bólek proeske jańa baqylaýshylardy tartý da josparda bar.Árıne, eldegi búkil saılaý ýchaskelerin tolyq qamtý úshin 20 myńnyń ústinde bilikti baqylaýshy kerek, az bolyp kóringenmen, el bolyp osy kórsetkishke áli jete almaı kelemiz. Biraq kósh júre túzeledi. 2019 jyly azamattyq belsendiler kótergen týdy túsirmeı, baǵyttan taımaı, baqylaýshylar ınstıtýtyn nyǵaıtýdy jalǵastyra berý kerek. Saılaýdan saılaýǵa baqylaýǵa alynatyn ýchaskelerin sany artsa, erteli-kesh halyqtyń daýysy túgel eskeriletin kúnge de jetemiz”, – deıdi ol.
Osy qozǵalystyń qurylýyna bastamashy bolǵan jas saıasattanýshy Ashat Qasenǵalıdiń aıtýynsha, qazaqtildi aýdıtorııa ádil ári shynaıy saılaý ótkenin qalaıdy. Alaıda saılaýdyń shynaıy ótýine bılik qulyqty emes.
“Kóptegen Qazaqstan azamatynda bergen daýysym, salǵan bıýlletenim ózge kandıdattyń qanjyǵasyna baılanyp ketýi nemese qoqys jáshiginde jatýy múmkin degen kúdik bar. Bul uzaq jyldar boıy qalyptasqan jáne áli de jalǵasyn taýyp kele jatqan saılaýdaǵy quıtyrqy áreketterdiń nátıjesi.Biz bul olqylyqty tolyq sheshpesek te, saılaýda baqylaýshylardy qatystyryp, oqytyp kórgimiz keledi. Árıne, tutas Qazaqstandy qamtý múmkin emes.Ony bıliktik partııalar ǵana jasaı alatyn shyǵar. Biraq barynsha kóp ýchaskeni qamtýǵa tyrysamyz. Iri qalalardy, oblys ortalyqtaryn qamtýǵa tyrysamyz. El boıynsha 6 myńǵa jýyq baqylaýshy oqytýǵa árekettenip, josparlap otyrmyz”, – deıdi ol.
