Búgin Belarýste prezıdent saılaýy ótip jatyr, dep habarlaıdy "Adyrna" ulttyq portaly.
Eldiń ortalyq saılaý komıssııasynyń málimetinshe, 5325 saılaý ýchaskesi ashylǵan. Olar tańǵy 08:00-den keshki 20:00-ge deıin jumys isteıdi.
Saılaýshylar sany 6 900 504 adamdy quraıdy. Onyń 88 myńnan astamy alǵash ret daýys berýshi azamattar. Sondaı-aq, Belarýs azamattarynyń 41,81 paıyzy 21 men 25 qańtar aralyǵynda aldyn ala daýys bergen.
Bıýlletende Aleksandr Lýkashenkonyń atymen qatar taǵy 4 kandıdat bar. Olardyń tek bireýi ǵana ózin «oppozıııalyq» dep ataıdy.
Aleksandr Lýkashenko jetinshi ret qaıta saılanady dep kútilýde.
70 jastaǵy Lýkashenko 1994 jyldan beri Belarýsti basqaryp keledi. 2020 jylǵy sońǵy saılaýda ol 80% daýyspen jeńiske jetti. Bul nátıjelerdiń burmalanǵany týraly aıyptaýlar, birneshe aıǵa sozylǵan narazylyqtar men qatal repressııalarǵa alyp keldi. Olardyń nátıjesinde 65 000 adam tutqyndaldy. Tutqynnan qashyp qutylǵandar shetelge qashýǵa májbúr boldy.
Saılaýǵa túsip jatqan kandıdattar arasynda tek burynǵy depýtat Anna Konopakaıa ǵana oppozıııalyq dep esepteledi.
Ol 2020 jylǵy saılaýda da kandıdat bolyp qatysyp, 1,5% daýys jınaǵan edi.
Qazirgi saılaýdy Eýropalyq dıplomatııa basshysy Kaıa Kallas «jalǵan» dep atady.
«Lýkashenko bılikti 30 jyldan beri ustap tur. Erteń ol qaıtadan óz-ózine taǵaıyndalatyn jalǵan saılaý ótkizedi. Bul - demokratııany kórineý qorlaý. Lýkashenkonyń eshqandaı zańdy negizi joq», — dep jazdy Kallas X jelisinde.
Jergilikti ýaqytpen saǵat 12:00-de Belarýstegi prezıdenttik saılaý ótken bolyp esepteldi.
Respýblıka zańnamasyna sáıkes, eger saılaýshylar tiziminde bar azamattardyń jartysynan astamy daýys berýge qatyssa, saılaý ótkizilgen dep esepteledi.
