Bügın Respublica partiiasy elımızdıŋ barlyq öŋırın qamtityn respublikalyq jäne aimaqtyq ştabtaryn aşty.
Respublica basşylary men Mäjılıs deputattyǧyna kandidattar jäne basqa da partiia müşelerı qatysqan jiyn öttı. Jiynǧa barlyq aimaqtyq ştabtardyŋ basşylary men qyzmetkerlerı beinebailanys arqyly qosyldy.
Partiia töraǧasy Aidarbek Qojanazarov qatysuşylarǧa sättılık pen sapaly jūmys tıledı.
Partiia töraǧasy Aidarbek Qojanazarov qatysuşylarǧa sättılık pen sapaly jūmys tıledı.
«Aqyry köpten kütken sät te kelıp jettı. Sailaudyŋ ügıt-nasihat nauqany bastaldy. Endı bız barlyq küşımızdı jūmyldyryp, jūmys ısteitın bolamyz! Men barlyǧyŋyzdyŋ qanşalyqty ūzaq jäne auyr jūmys ıstegenderıŋızdı bılemın - uaqytyly tamaqtanbau, ūiqy rejimınıŋ būzyluy, kürdelı tapsyrmalardy oryndau siiaqty qiyndyqtar barlyǧyŋyzdyŋ bastaryŋyzdan öttı. Qatelıkter de boldy, jeŋısterımız de az emes. Eŋ bastysy, bız qūrylǧan künımızden bastap, osy maŋyzdy kezeŋge de abyroimen jettık! Bügınnen bastap respublikalyq, oblystyq ştabtardyŋ esıgı är azamatqa aiqara aşyq. Bız halyqty özımızge dauys beruge şaqyra bastadyq! Bügınnen bastap resmi saitymyzda jariialanǧan sailaualdy baǧdarlamamyzben tanysyp, nenı jaqtaitynymyzdy, qandai ideialardy nasihattap, qoǧamdyq talqylauǧa qandai bastamany şyǧarǧymyz keletının bılseŋız bolady», - dedı partiia liderı.Jiynnan soŋ, partiia liderı Aidarbek Qojanazarov, teŋ töraǧa Syrymbek Tau jäne basqa da jetekşıler alǧaşqy ügıt-nasihat plakattaryn ılu üşın Qazaqstannyŋ är qalasyndaǧy köşelerge arnaiy şyqty. Osylaişa, komanda elımızdıŋ barlyq aimaqtarynda ıske qosyldy. Qyzmetkerler men erıktıler bannerler ılıp, plakattar japsyryp, azamattarǧa ügıt paraqşalaryn taratudy bastap kettı. Aita keteiık, partiianyŋ sailaualdy baǧdarlamasy Respublica partiiasynyŋ resmi saitynda (respublica-partiyasy.kz) qazaq jäne orys tılderınde jariialanǧan. BAQ-pen bailanys üşın: Iŋkär Samat +77758888190 E-mail: Respublica.party@gmail.com Instagram Facebook Telegram TikTok
"Adyrna" ūlttyq portaly
Ūqsas jaŋalyqtar
