Respublica resmı túrde shtabyn ashyp, úgit-nasıhat jumystaryn bastady

2781
Adyrna.kz Telegram

Búgin Respublica partııasy elimizdiń barlyq óńirin qamtıtyn respýblıkalyq jáne aımaqtyq shtabtaryn ashty.

Respublica basshylary men Májilis depýtattyǵyna kandıdattar jáne basqa da partııa músheleri qatysqan jıyn ótti. Jıynǵa barlyq aımaqtyq shtabtardyń basshylary men qyzmetkerleri beınebaılanys arqyly qosyldy.

Partııa tóraǵasy Aıdarbek Qojanazarov qatysýshylarǵa sáttilik pen sapaly jumys tiledi.

 «Aqyry kópten kútken sát te kelip jetti.  Saılaýdyń úgit-nasıhat naýqany bastaldy. Endi biz barlyq kúshimizdi jumyldyryp, jumys isteıtin bolamyz! Men barlyǵyńyzdyń qanshalyqty uzaq jáne aýyr jumys istegenderińizdi bilemin - ýaqytyly tamaqtanbaý, uıqy rejıminiń buzylýy, kúrdeli tapsyrmalardy oryndaý sııaqty qıyndyqtar barlyǵyńyzdyń bastaryńyzdan ótti.  Qatelikter de boldy, jeńisterimiz de az emes.  Eń bastysy, biz qurylǵan kúnimizden bastap, osy mańyzdy kezeńge de abyroımen jettik! Búginnen bastap respýblıkalyq, oblystyq shtabtardyń esigi ár azamatqa aıqara ashyq.  Biz halyqty ózimizge daýys berýge shaqyra bastadyq! Búginnen bastap resmı saıtymyzda jarııalanǵan saılaýaldy baǵdarlamamyzben tanysyp, neni jaqtaıtynymyzdy, qandaı ıdeıalardy nasıhattap, qoǵamdyq talqylaýǵa qandaı bastamany shyǵarǵymyz keletinin bilseńiz bolady», - dedi partııa lıderi.

Jıynnan soń, partııa lıderi Aıdarbek Qojanazarov, teń tóraǵa Syrymbek Taý jáne basqa da jetekshiler alǵashqy úgit-nasıhat plakattaryn ilý úshin Qazaqstannyń ár qalasyndaǵy kóshelerge arnaıy shyqty. Osylaısha, komanda elimizdiń barlyq aımaqtarynda iske qosyldy. Qyzmetkerler men eriktiler bannerler ilip, plakattar japsyryp, azamattarǵa úgit paraqshalaryn taratýdy bastap ketti.

Aıta keteıik, partııanyń saılaýaldy baǵdarlamasy Respublica partııasynyń resmı saıtynda (respublica-partiyasy.kz) qazaq jáne orys tilderinde jarııalanǵan.

BAQ-pen baılanys úshin:

Ińkár Samat

+77758888190

E-mail: Respublica.party@gmail.com   

Instagram

Facebook

Telegram

TikTok

 

"Adyrna" ulttyq portaly 

Pikirler