Qazaqstandaǧy säbiler üiınde qazır 707 büldırşın tūryp jatyr, al balalar üiınde 4916 tärbielenuşı bar. Mäjılıs deputaty Qaraqat Äbden balalar üiı men säbiler üiındegı tärbielenuşılerge bölınetın qarajatty jobalaudyŋ balamasyn ūsynyp, bala asyrap alǧan otbasyǧa memleketten ai saiyn 1 mln teŋge töleu qajet ekendıgın aitty, dep habarlaidy "Adyrna" ūlttyq portaly.
Balalar üiındegı büldırşınge ai saiyn bölınetın qarajatty bala asyrap alǧysy keletın otbasyǧa baǧyttau kerek. Būl arqyly balalardy otbasyǧa berudıŋ formasyn damytuǧa bolady. Būl turaly mäjılıs deputaty Qaraqat Abden premer-ministrdıŋ orynbasary Altai Kölgınovke joldaǧan deputattyq saualynda mälımdedı.
Elımız boiynşa qazır säbiler üiınde 707 büldırşın tūryp jatyr, al balalar üiınde 4916 tärbielenuşı bar.
"Būrynǧy kezdermen salystyrǧanda, būl bırşama jaqsy körsetkış. Endı osy ürdıstı bäseŋdetpei balalardy otbasylarǧa ornalastyrudyŋ joldaryn damytu kerek. Qazır jetım, ata-ana qamqorlyǧynsyz qalǧan balalardy otbasyǧa berudıŋ bırneşe formasy bar: bala asyrap alu; qamqorşylyq; patronattyq tärbie; patronattyq janūia. Onyŋ qatarynda käsıbi nemese fosterlık otbasylardy qūru bastamasy da bar. Būl joba da elımızdegı balalar üiınıŋ sanyn azaituǧa baǧyttalǧany belgılı. Osy oraida pilottyq formatta ıske qosylǧan būl jobanyŋ qazırgı jaǧdaiy qandai? Arnaiy daiyndyqtan ötken fosterlık otbasylardyŋ sany artty ma? Elımızdegı jetım balalardy ornalastyruǧa şamamen 500 fosterlık otbasy qajet dep körsetılgen", – dedı deputat.Deputat, sonymen qatar, balalar üiı jetımderdı äleumettendıru boiynşa tiımdı jūmys jasai almai otyrǧanyn aitty. Osy rette öz ūsynysyn bıldırdı.
"Köp jaǧdaida balalar üiınıŋ jetekşılerı asyrap alǧysy keletınderge nemese patronattyq otbasylarǧa olardy beruge niet bıldırmeidı. Bas prokuratura men bala asyrap alu jönındegı agenttık tarapynan jürgızılgen tekserıstıŋ nätijesınde tıptı bala asyrap aluǧa qarsy jasandy kedergılerdı oilap tapqan jetekşıler de anyqtaldy. Öitkenı är balaǧa memleketten kölemdı aqşa bölınedı. Mysaly, balalar üiındegı bır büldırşın üşın memleketten aiyna 1 milllionǧa juyq qarajat berıledı. Osy qarajatty bala asyrap alǧysy keletın otbasylardy qoldauǧa baǧyttasaq, bala üşın būl äldeqaida paidaly bolary anyq", – dedı Qaraqat Äbden.
"Adyrna" ūlttyq portaly
Ūqsas jaŋalyqtar
Qazaqstan
Mäjılıs deputaty
deputattyq saual
Jaŋa Qazaqstan
Qaraqat Äbden
qazaq elı
jetımhana
jetımın jylatpaǧan halyq
