Ūlytau oblysy, 8 qaŋtar. Mäjılıs töraǧasy Erlan Qoşanov bastaǧan deputattar toby Ūlytau oblysyna bardy. Olar oblys aktivımen, öndırıs oryndarynyŋ jūmysşylarymen kezdesıp, Jezqazǧan jylu elektr ortalyǧynyŋ jūmysymen tanysty jäne «Annenskaia» kenışınıne tüstı.
Mäjılıs spikerınıŋ sapary oblys aktivımen – Ardagerler keŋesınıŋ müşelerımen, oblystyq mäslihat deputattarymen jäne jūrtşylyqpen kezdesuden bastaldy.
Erlan Qoşanov ūlytaulyqtarmen kezdesude Memleket basşysy Qasym-Jomart Toqaevtyŋ «Bız ozyq el retınde tek alǧa ǧana qarauymyz kerek» degen juyrda ǧana bergen sūhbatyndaǧy negızgı basymdyqtarǧa nazar audardy.
Mäjılıs töraǧasynyŋ aituynşa, ötken jyl elımız üşın eleulı, maŋyzdy oqiǧalarǧa toly jyl boldy. Memleket basşysynyŋ keşendı reformalary jalǧasyp, jaŋa ekonomikalyq saiasatty jüzege asyru bastaldy. Erlan Qoşanov memlekettegı barlyq deŋgeidegı institusionaldyq özgerıster turaly aityp, elımızdıŋ jetıstıkterı men jaqyn bolaşaqqa arnalǧan josparlaryna keŋınen toqtaldy. Ol älemdegı kürdelı ahualǧa qaramastan, ekonomikanyŋ damuy 4,9 paiyz deŋgeiınde qamtamasyz etılıp, şetelden auqymdy investisiia tartylǧanyn atap öttı.
– Bırneşe kün būryn būryn Prezident qabyldauynda boldym. Memleket basşysy öŋırlerdıŋ damuyna basa män berıp otyr. Prezidenttıŋ şeşımımen qaita jaŋǧyrǧan Ūlytaudyŋ öŋır üşın ǧana emes, ūltymyz üşın de orny bölek. Osyǧan orai Prezident oblys basşylyǧyna öŋırde bırqatar äleumettık-mädeni nysandar men jaŋa tūrǧyn üiler salu turaly tapsyrma berdı.
Ony oryndau – bärımız üşın basty mındet. Deputattar būl jūmysty qadaǧalap, barlyq josparlanǧan jobalardyŋ jüzege asuyna jan-jaqty yqpal etetın bolady, – dedı Mäjılıs töraǧasy.
Erlan Qoşanov bügınde Ūlytau oblysy öz aldyna otau tıkken derbes, ekonomikalyq, äleumettık, mädeni damu äleuetı zor öŋır ekenın aitty. Oblysqa tartylǧan investisiia auqymy 171,2 mlrd teŋgege jetıp, ötken jylmen salystyrǧanda 45 mlrd-qa ösken. Qūrylys jūmystarynyŋ kölemı 85,6 mlrd teŋgenı qūrasa, paidalanuǧa berılgen tūrǧyn üi nysandary 67 myŋ şarşy metrdı qūraidy.
Sondai-aq Mäjılıs spikerı 2022 jyly Prezidenttıŋ bastamasymen elımızdegı alǧaşqy Ūlttyq qūryltai otyrysy da ūlt ūiasy – Ūlytauda ötkenıne nazar audardy.
– Ūlytau öŋırınıŋ tarihi jäne ruhani orny bölek. Altyn ordanyŋ negızın qalaǧan Joşy han da osynda jerlengen. El Prezidentı keşegı sūhbatynda biyl Joşy ūlysynyŋ 800 jyldyǧy atap ötıletının arnaiy toqtaldy. Būl – öŋır üşın ǧana emes, qazaq memlekettılıgınıŋ tereŋ tarihyn zerdeleu üşın de maŋyzy zor ıs-şara, – dedı Erlan Qoşanov.
Odan ärı deputattar Jezqazǧan jylu elektr ortalyǧynda jylu beru mausymynyŋ barysy men käsıporyndy jaŋǧyrtu jūmystary turaly esepterdı tyŋdady. Sonymen qatar jylu elektr ortalyǧy qyzmetkerlerıne jylu jäne energetika turaly jaŋa zaŋ jobasy boiynşa jürgızılıp jatqan jūmystardy aityp, sūraqtarǧa jauap berdı, energetikterdıŋ ūsynystaryn tyŋdady.
Sapar barysynda deputattar Jezqazǧan baiytu kombinatynda bolyp, Sätbaev qalasyndaǧy «Annenskaia» kenışıne tüstı. Erlan Qoşanov käsıporyn qyzmetkerlerımen kezdesude Memleket basşysynyŋ özektı mäselelerdı şeşu jönındegı tapsyrmalaryn jüzege asyruǧa baǧyttalǧan zaŋnamalyq bastamalarǧa toqtaldy. Atap aitqanda, ziiandy eŋbek jaǧdaiynda jūmys ısteitın azamattar üşın arnaiy tölem engızu jäne öndırıstegı eŋbek qauıpsızdıgın küşeitu jönındegı tüzetuler turaly aityp berdı. Deputattar jūmysşylarmen jäne kenşılermen memleket tarapynan olardyŋ äleumettık qoldauyn jaqsartu turaly mäselelerdı talqylady.
Deputattardyŋ öŋırlerge sapary osy jyldyŋ 12 qaŋtaryna deiın jalǧasady.
