بۇگىن Respublica پارتياسى ەلىمىزدىڭ بارلىق ءوڭىرىن قامتيتىن رەسپۋبليكالىق جانە ايماقتىق شتابتارىن اشتى.
Respublica باسشىلارى مەن ءماجىلىس دەپۋتاتتىعىنا كانديداتتار جانە باسقا دا پارتيا مۇشەلەرى قاتىسقان جيىن ءوتتى. جيىنعا بارلىق ايماقتىق شتابتاردىڭ باسشىلارى مەن قىزمەتكەرلەرى بەينەبايلانىس ارقىلى قوسىلدى.
پارتيا توراعاسى ايداربەك قوجانازاروۆ قاتىسۋشىلارعا ساتتىلىك پەن ساپالى جۇمىس تىلەدى.
«اقىرى كوپتەن كۇتكەن ءسات تە كەلىپ جەتتى. سايلاۋدىڭ ۇگىت-ناسيحات ناۋقانى باستالدى. ەندى ءبىز بارلىق كۇشىمىزدى جۇمىلدىرىپ، جۇمىس ىستەيءتىن بولامىز! مەن بارلىعىڭىزدىڭ قانشالىقتى ۇزاق جانە اۋىر جۇمىس ىستەگەندەرىڭىزدى بىلەمىن - ۋاقىتىلى تاماقتانباۋ، ۇيقى رەجيمىنىڭ بۇزىلۋى، كۇردەلى تاپسىرمالاردى ورىنداۋ سياقتى قيىندىقتار بارلىعىڭىزدىڭ باستارىڭىزدان ءوتتى. قاتەلىكتەر دە بولدى، جەڭىستەرىمىز دە از ەمەس. ەڭ باستىسى، ءبىز قۇرىلعان كۇنىمىزدەن باستاپ، وسى ماڭىزدى كەزەڭگە دە ابىرويمەن جەتتىك! بۇگىننەن باستاپ رەسپۋبليكالىق، وبلىستىق شتابتاردىڭ ەسىگى ءار ازاماتقا ايقارا اشىق. ءبىز حالىقتى وزىمىزگە داۋىس بەرۋگە شاقىرا باستادىق! بۇگىننەن باستاپ رەسمي سايتىمىزدا جاريالانعان سايلاۋالدى باعدارلامامىزبەن تانىسىپ، نەنى جاقتايتىنىمىزدى، قانداي يدەيالاردى ناسيحاتتاپ، قوعامدىق تالقىلاۋعا قانداي باستامانى شىعارعىمىز كەلەتىنىن بىلسەڭىز بولادى»، - دەدى پارتيا ليدەرى.
جيىننان سوڭ، پارتيا ليدەرى ايداربەك قوجانازاروۆ، تەڭ توراعا سىرىمبەك تاۋ جانە باسقا دا جەتەكشىلەر العاشقى ۇگىت-ناسيحات پلاكاتتارىن ءىلۋ ءۇشىن قازاقستاننىڭ ءار قالاسىنداعى كوشەلەرگە ارنايى شىقتى. وسىلايشا، كوماندا ەلىمىزدىڭ بارلىق ايماقتارىندا ىسكە قوسىلدى. قىزمەتكەرلەر مەن ەرىكتىلەر باننەرلەر ءىلىپ، پلاكاتتار جاپسىرىپ، ازاماتتارعا ۇگىت پاراقشالارىن تاراتۋدى باستاپ كەتتى.
ايتا كەتەيىك، پارتيانىڭ سايلاۋالدى باعدارلاماسى Respublica پارتياسىنىڭ رەسمي سايتىندا (respublica-partiyasy.kz) قازاق جانە ورىس تىلدەرىندە جاريالانعان.
باق-پەن بايلانىس ءۇشىن:
ىڭكار سامات
+77758888190
E-mail: Respublica.party@gmail.com
"ادىرنا" ۇلتتىق پورتالى
