Mäjılıs deputaty Ermūrat Bäpi Qazaqstannyŋ eks-prezidentı Nūrsūltan Nazarbaevtyŋ Mäskeuge baryp, Resei prezidentı Vladimir Putinmen kezdesuın «Qazaqgeit-2» dep atalatyn AQŞ-taǧy jaŋa qylmystyq ıspen bailanystyrdy, dep habarlaidy "Adyrna" ūlttyq portaly.
Būl turaly deputat Elmedia jobasynyŋ efirınde mälımdegen. Ol AQŞ-ta auqymdy janjaldyŋ kütılıp jatqanyn habarlaǧan.
«Menıŋ qolymdaǧy aqparatqa säikes, Amerika Qūrama Ştattarynda «Qazaqgeit-2» dep atalatyn jaŋa auqymdy janjal kütılude. AQŞ-tyŋ Ädılet ministrlıgı kezınde amerikandyq azamattardyŋ, kompaniialardyŋ, saqtandyru ūiymdarynyŋ jäne sarapşylardyŋ qyzmetterın paidalanǧan älemdık kleptokrattarǧa qatysty qylmystyq ıs daiyndap jatyr. Eger sol subektılerdıŋ qyzmetı paidalanylǧan bolsa, būl adamdarǧa qarsy qylmystyq ıs qozǧalady», – dedı deputat Bäpi.Ermūrat Bäpidıŋ aituynşa, būl aqparat insaiderlık derekközderden alynǧan.
«Maǧan eks-prezident Nūrsūltan Nazarbaevtyŋ Mäskeuge baryp, Kremlde Putinmen kezdesuı, Qazaqstan Respublikasynyŋ memlekettık qūpiialar turaly zaŋyna jaŋa normalardy engızu – bärı osy älemdık janjalǧa bailanysty siiaqty körınedı. Bız tek kütuımız kerek, būl ıske qatysty şyndyq aşylady dep oilaimyn. Būl oqiǧa «Pandora jäşıgı» sekıldı ülken äser etuı mümkın», – dedı ol.Sonymen qatar, Ermūrat Bäpi Nazarbaevtyŋ densaulyǧy men jeke ömırı turaly mälımetterdı memlekettık qūpiia retınde belgıleudı közdeitın zaŋǧa qarsy pıkır bıldırdı. Atalǧan normalar qazır Prezident Qasym-Jomart Toqaevtyŋ qol qoiuyna jıberılgen. Deputat Ermūrat Bäpi jaŋa qylmystyq ıs auqymy jaǧynan alǧaşqy «Qazaqgeittı» basyp ozuy mümkın ekenın aitty. Ol būl ıstıŋ nätijesınde Nazarbaevtyŋ bedelı men onyŋ äreketterıne qatysty köptegen jaŋa sūraqtar tuyndaitynyna senımdı. «Qazaqgeit» – būl 1990 jyldardyŋ soŋynda jäne 2000 jyldardyŋ basynda halyqaralyq deŋgeide oryn alǧan sybailas jemqorlyq janjaly. Eske sala keteiık, 13 jeltoqsanda Kreml Nazarbaev pen Putinnıŋ Reseidegı prezidenttık rezidensiiada kezdeskenın habarlaǧan edı. Kezdesu barysynda talqylanǧan mäseleler turaly tolyq mälımet berılmegen. Resmi mälımdeme tek 14 jeltoqsanda Kremldıŋ resmi saitynda habarlandy.
«Novo-Ogarevoda Resei Prezidentı Vladimir Putin Qazaqstannyŋ Tūŋǧyş Prezidentı Nūrsūltan Nazarbaevpen kezdesu ötkızdı», – delıngen Kreml taratqan aqparatta.
Ūqsas jaŋalyqtar
