Bügın Zamanbek aǧanyŋ tuǧan künı degende, Prezidentımız “KüşımızBırlıkte”, “JaŋaQazaqstan” - dep jatqan soŋ eske tüsıp, ışımdı bır bosatyp alaiyn dep şeştım.
"Terısqaqpai" teatry aşyla sala "Asqar degen küllı Narynqoldyqty jinap alyp, teatr aşypty!" - degen äŋgıme gu ete qaldy. Şyndyǧynda ol kezdegı "Terısqaqpaidaǧy" Narynqoldyq Ūlan ekeumız ǧana edık. Qadyrǧali - Aiagöz, Mūqametjan - Kentaulyq. Narynqolda tuyp, Aqtöbede (Şalqarda) ösken Darhan bızge keiın qosylǧan. Qoişy aşyldyq qoi ne bolsa da. Zamanbek aǧa qatty quandy. "Osylaryŋ dūrys boldy, öz aldylaryŋa jeke bolǧandaryŋ jaqsy, senderge būrynnan köŋılıp auyp, jaqsy körıp jür edım, qaşanǧa basqanyŋ joǧyn tügendeisıŋder?! Qūtty bolsyn, ne kömek kerek bolsa, aityp tūryŋdar" - degen edı. Sodan bastap "Terısqaqpaidyŋ" sahnasy Maqpal jeŋgemsız, körermen zaly Zamanbek aǧasyz bolmady. Respublikaǧa da "Zamanbektıŋ qoldap otyrǧan teatry, ınılerı körınedı" - degen qaueset tarap, gastrolge barǧan jerımızde problema bola qoimaityn. Almatydaǧy konsertterdıŋ keide arendasyna, keide tüsırılımıne aǧamyz kömektesıp tūrdy. Būl bır.
Altynbek Särsenbaev bauyrym "Özıŋdı būrynnan bılsem de, jerles ekenımızdı endı bılıp jatyrmyn, rizamyn!" - dep alǧaş tanysqan künnen bauyr basyp, syrlas bolyp kettık. Särsenbai atamyzdyŋ 80-jasyn bızge basqartty. "Taǧy da sol "Terısqaqpai" janynda jürgen, Almatyǧa kelse keş demei, tün demei kezdesuge baratyn men. KNBnyŋ suretıne de tüstık Altekeŋ ekemız. "Äne, sen de ılıktıŋ olardyŋ nazaryna" - dep küldı, bırge küldık. Būl ekı.
Ekeuınen de 30 jyl "sarabdal, köregen saiasat" jürgızgender amalyn tauyp qūtyldy. Olar kete salysymen "Terısqaqpaidyŋ" joly kesıldı. Gastrolder bolmai qaldy. Bırde bır konsertterımız ekrannan körsetılmei, alynyp tastaldy. Sebebı ekrannan zalda otyrǧan Zamanbek, ne Altynbek jyl etıp körınıp qalady. "Terısqaqpaidy" taratqannan basqa amal qalǧan joq. Ärqaisymyz öz betımızben jan baǧuǧa kettık. Eşkım jūmysqa qabyldamaidy. "Qap, sen kerek edıŋ, däl qazır oryn bolmai tūrǧanyn qaraşy, küzde kelşı, bır amalyn qarastyryp köreiık" - dep, jyly söilep şyǧaryp salady.
Qai esıktı qaqsaŋ da "Zamanbek pen Altynbektıŋ jaqyny, solardyŋ adamy" - degen taŋba aldymnan şyǧa berdı, şyǧa berdı. Odan keiın anau Arystanbek Tūŋǧyşbai aǧamyzdyŋ artyna şam alyp tüskende Ūstazymdy qorǧap jazǧan jazbalarym Akademiiadan "saǧat bolmai tūr" - degen jeleumen quyluyma sebep boldy. Keibır oblystardaǧy gastrolderıme de sonyŋ ziiany tidı. Däl bügıngı deiın, byltyr köktemnen berı "T. Jürgenov akademiiasynyŋ 0,25 (45 myŋ) stavkasyn eseptemegende qalai kün körgenıme bükıl Qazaqstan kuä. "Qyzyq känsert" - dep at qoiyp, özımdı özım asyradym. Anda-sanda tüsken serial men kinonyŋ, ssenariiler men audarmalar, oblystyq teatrlarǧa qoiǧan spektaklderım janymdy alyp qalyp jürdı. Älı de sol qalpy. Ūlan da, Darhan da, Qadyrǧali da sol küidı keştı. Ūlan äiteuır soŋǧy jyldary ǧana tırnektep jürıp özın däleldep, "Şabytqa" sabaq berdı. Sosyn Ǧ.Müsırepov teatryna direktordyŋ orynbasary boldy. Darhandy jūmysqa aldy. Qadyrǧali ekeumız älı de "svobodnyi plavaniede" jürmız...
Men myna jaŋa ükımetke de el qatarly kümänmen, küdıkpen qarasam da Qasym-Jomart Toqaevtyŋ äiteuır "Üiımızde, törımızde portrette tūrǧannyŋ" jan-jaǧyn tazalap jatqanyna közım jettı. Myna ükımet menıŋ basymnan sipamasa da qyryn qarap, qudalanǧan kezım artta qalǧan şyǧart endıgı dep ümıttenıp otyrmyn.
Ne körmedım... Aita berseŋ keudeden itergen sätter jeterlık, özımdı özım süirelep, mınez ben bılgenımnıŋ arqasynda ölermendık küi keşıp kele jatyrmyn.
Jandaryŋyz aşysyn degen oiym joq, aşy zapyrandy aqtarǧym kelgen... Ūzaq jazu bolyp ketetın siiaqty. Astaryn özderıŋ ūǧyp alarsyŋdar...
"Ötırıkşınıŋ kuäsı qasynda" - deidı ǧoi, menıŋ kuälarym osy FBda barşylyq endı...
A, myna tömendegı Zäkeŋ men Altekeŋnıŋ suretı ūrlyq emes, "Terısqaqpaidyŋ" öz körermenı.
Zamanbek aǧanyŋ aty qaita jaŋǧyratyn künge jetken şyǧarmyz endı…
Tıptı Ūiǧyr audanynyŋ atyn berse de artyq bolmas edı.Asqar Naimantaev, Feisbuk paraqşasynan
