Ärnärsenıŋ aitylar uaqyty bolady ǧoi… Bır jyldary Qaradala qatty qozǧaldy. Tüngı bırde telefon bezıldep alyp barady, oblys äkımınıŋ baspasöz hatşysy Ǧalymūrat eken:
- Aǧa, sızdıŋ kömegıŋız kerek, Şonjyǧa kelesız be? - dedı. Äkım ekı kün sol jaqta sendelıp jürgen edı, jurnalister köp.
Yŋǧaisyz qolqa salar dep:
- Ǧalymūrat, men barmaimyn, jurnalisterge siujetterıŋdı jūmsartyp ber dep aitpaimyn, qyzmetten ūiat qymbat, - dedım.
- Jo-joq aǧa, mūnda sız tanityn jıgıtter köp eken, säl sabyrǧa şaqyruǧa kömektesseŋız, äkım talaptaryna könıp tūr, - dedı.
Söitıp telefondy oblys äkımınıŋ ideologiia jönındegı orynbasaryna berıp edı ol da hatşy sözın qaitalady. Maqūl dep taŋǧy 8,30-da Qaradalanyŋ ortalyǧyna jettım. Polisiiadan kordon tartylyp jatyr eken, "halyqpen soǧysuǧa kelgen joqsyzdar ǧoi, alyp tastaǧan jön şyǧar" dep edım orynbasar oilanyp tūryp, kelıstı.
Jarty saǧattan soŋ jinalǧan qalyŋ jūrt küş qoldanbaq peiıl joq ekenın körıp, säl sabaǧa tüstı. Odan äkım keldı: "Ne aqyl qosasyŋdar?!" - dedı. Orynbasary, polisiia bastyǧy tūr. Oraiy kelgende auzyma ılıngenı: "Däl bügın audan atyn özgertıp ülgermessız, audan äkımıne bır qazaq otyrǧyzsaŋyz el tılegı jartylai bolsa da qabyl bolady, "- dedım.
Äkımdıktıŋ 70-80 paiyzy basqa ūlttan ekenı de el yzasyna sebep edı. Obaly ne, Amandyq Ǧabbasūly: "Özım de sol oiǧa toqtap otyrmyn,"- dedı.
Jinalǧandar marqūm Jolan bauyrymyzdy ūsyndyq. "Ol onsyz da kürdelı audanda otyr, oilanu kerek, bıraq ekı aptada şeşımdı jüzege asyram, odan aryda audan atyn özgertuge sūrau salam," - dedı äkım.
Syrtqa şyqsam Bekjan Tūrys aǧam jıgıtterge bas bolyp jür eken, “Aǧa, osylai boldy, söz yŋǧaiy osyndai” - dep keŋesıp edım, "Qazır kıremın, uädesın alyp şyǧamyn," - dedı.
Şaǧyn keŋeste bızge berılgen uädenı ol kısı de äkım auzynan öz qūlaǧymen estıp, jadyrap şyqty. Seŋnıŋ şetı sögılgendei bolǧanyn sezgen jūrt jarqyrap, qauqyldasyp qaldy. Ǧalymūrat qyzmetıne kırısıp, jurnalister "el ünı estıldı" dep habar berıp jatty. Jüregımız jarylardai bop edı…
Köpke barmady, äkımge bıreu Astanadan zvondap, sılıkpesın şyǧarypty. Uäde oryndalmady. Habardy quana taratqan hatşy jazyqty bolyp qaldy. Bıraq audan ortalyǧyndaǧy bıraz köşenı qazaqşalauǧa küş saldyq, oǧan Bolat Kerımbektıŋ eŋbegı köp sıŋdı.
Endı sol audanǧa Bota Serıkqyzy äkım boldy dep jatyr, Sovet zamanynan berıdegı bır nyq qadam bolǧan eken, qūtty bolsyn!
Serik Abikenuly
Ūqsas jaŋalyqtar
