Şyǧys Qazaqstan oblysynda 6 ai būryn joǧalyp ketken äieldıŋ denesı tabyldy. Būl turaly ŞQO polisiia departamentı baspasöz qyzmetı mälımdedı, dep habarlaidy “Adyrna” tılşısı.
Mälımetke süiensek, 47 jastaǧy äiel 2022 jyldyŋ tamyz aiynyŋ ortasynda keşkı uaqytta jūmystan şyǧyp, sol küiı habar-oşarsyz ketken.
Habar tüsken soŋ tärtıp saqşylary men erıktıler äieldı ızdeuge jūmyldyryldy.
Alaida ony tabu mümkın bolmady. Äiel adam Ūlan audany Bozanbai auylynda tūrǧan.
"2023 jyldyŋ qaŋtarynda joǧalǧan äieldıŋ denesı tabyldy. Qazırgı uaqytta QR Qylmystyq Kodeksınıŋ 99-babymen (adam öltıru) sotqa deiıngı tergeu amaldary bastaldy", - delıngen aqparatta.
Vedomstvo ökılderı Ūlan audany tūrǧynynyŋ denesı qaidan tabylǧany, qandai jaraqattan köz jūmǧany turaly mälımet bermedı.
"Basqa aqparat beruge zaŋ şeŋberınde tyiym salynǧan. Sebebı būl proseske qatysuşylardyŋ qūqyqtary men zaŋdy müddelerınıŋ būzyluyna äkelıp soǧady", - delıngen habarlamada.
