Ótken jyly elimizde 30 myńǵa jýyq qyz-kelinshek alǵash ret jumysqa turǵan. Bul týraly Eńbek jáne halyqty áleýmettik qoldaý mınıstri Tamara Dúısenova málim etti, dep habarlaıdy "Adyrna" ulttyq portaly.
«Elimizde jumys isteıtin 4,3 mln áıel bar. Bul jumyspen qamtylǵan halyqtyń 48% quraıdy. Áıelderdiń 35% saýda jáne qyzmet kórsetý salasynda, 32% bilim, densaýlyq saqtaý jáne ǵylym salasynda, 14% ónerkásipte, qurylysta jáne kólikte, 9% astamy aýyl sharýashylyǵynda eńbek etip jatyr. Óńirlerde de áıelderdi nátıjeli jumyspen qamtý boıynsha da belsendi jumys júrip jatyr. Máselen, byltyr 536 myń áıel adam jumysqa ornalastyryldy. Al bıyl eki aıda 92 myńnan astam áıel jumysqa turdy», – dedi Tamara Dúısenova Úkimet otyrysynda.
Sondaı-aq, mınıstr jas áıelderdi memlekettik sýbsıdııa esebinen jumysqa ornalastyrý joǵary qarqynmen iske asyp jatqanyn aıtty.
Onyń málimetinshe, ótken jyly 30 myńǵa jýyq áıel alǵash ret jumysqa ornalasqan.
«Memlekettik qoldaý boıynsha taǵy bir mańyzdy shara qyz-kelinshekterge óz isin ashýǵa jaǵdaı jasaý. Ótken jyly 80 myńǵa jýyq áıel kásipkerlik negizderi kýrsynan ótti. Onyń qorytyndysy boıynsha 13 myńǵa jýyq áıel grant aldy. Onyń 58% taýarlar men qyzmetterdi óndirýge qajetti tehnologııalyq jabdyqtar satyp aldy. Al 31% mal satyp aldy», – deıdi vedomstvo basshysy.
"Adyrna" ulttyq portaly
