Shyǵys Qazaqstan oblysynda joǵary laýazymdy sheneýniktiń týysy adam óltirdi degen kúdikke ilindi, dep habarlaıdy "Adyrna" ulttyq portal agenttik tilshisi.
«Qurmetti Prezıdent Toqaev Qasym-Jomart Kemeluly, Bas prokýror Berik Asylov, Ishki ister mınıstri Erjan Sádenov, sizderden kómek suraımyz. Men Sultanova Saıa Jarasqyzy, marqum Kósherov Jaras Sultanulynyń qyzymyn. Kómekke júginý sebebimiz quqyq qorǵaý organdary kúni búginge deıin áreketsizdik tanytýda», - dedi marqumnyń qyzy vıdeo habarlamasynda.
2 naýryzda Shyǵys Qazaqstan oblysy Marqakól aýdany Qaljyr aýylynda jergilikti turǵyn Jaras Kósherov kisi qolynan qaza tapty. Marqumnyń týystary onyń ólimine buryn kisi óltirgeni úshin sotty bolǵan Baýyrjan Nurmuhanovtan kúdiktenip otyr.
«Kúdikti buǵan deıin de 2 adamdy óltirip, bir jolynda ýslovno alsa, kelesi qylmysy úshin 3,5 jyl ǵana otyrǵan. Sebebi, onyń týystary óte aýqatty jáne yqpaldy adamdar bolǵandyqtan dep oılaımyn. Nurmuhanovtyń aǵasy Nurmuhanov Baqyt Maratuly Konstıtýııalyq sot tóraǵasynyń orynbasary bolyp jumys isteıdi, taǵy bir aǵasy Murat Nurmuhanov prokýratýra qyzmetkeri. Kúrshim bóliminiń meńgerýshisi Nurmuhanovtar otbasymen jaqsy qarym-qatynasta. Aýdandyq prokýratýranyń orynbasary kúdiktiniń tanysy, ol da máıithanada jáne kýágerlerden jaýap alý kezinde bolǵan», - deıdi týystary.
Olar bul qylmystyq istiń adam óltirý emes, «densaýlyqqa aýyr zııan keltirý» boıynsha tirkelgenin aıtyp, jyly jabyla sala ma dep qorqady.
«Kisi óltirý 2 naýryzda boldy, biraq osy kúnge deıin Nurmuhanov Baýyrjan áli ustalǵan joq nemese kúdikti retinde tanylǵan da joq, biraq kýágerler bar. Eshqandaı shara qoldanylyp jatqan joq», – deıdi marqumnyń qyzy.
