Soltüstık Qazaqstan oblysy äkımdıgınıŋ Dene şynyqtyru jäne sport basqarmasyna qarasty «Taiynşa audanynyŋ balalar men jasöspırımder sport mektebı» 19 955 357 teŋgege 1 dana «qaraqūiryq» satyp almaq, - dep habarlaidy Adyrna ūlttyq portaly https://satypalu.gov.kz/ saityna sılteme jasap.
Jalpy qūny şamamen 20 million teŋgege baǧalanǧan ol qandai «qaraqūiryq»? Memlekettık satyp alu portalyndaǧy tender «Sport mektebıne qaraqūiryq satyp alu» degen ataumen jariialanǧan. Ötınımderdı qabyldau 9 qaŋtar künı bastalyp, tender jeŋımpazy 16 qaŋtar künı anyqtaluy tiıs.
Portalda atauy qazaqşa berılgen tenderdıŋ tehnikalyq sipattamasyn qaradyq. Ondaǧy basty maqsatymyz «qaraqūiryq» degennıŋ ne ekenın bılu edı. Söitsek, tehnikalyq sipattamada memlekettık tılde bır auyz söz de jazylmapty.
Resmi orys tılınde ǧana jazylǧan ūzaq mätınnen ūqqanymyz qaraqūiryq degen – mikroavtobus eken. «Taiynşa audanynyŋ balalar men jasöspırımder sport mektebı» 19 955 357 teŋgege jaŋa mikroavtobus satyp almaq körınedı.
Tapsyrys oryndauşy syiymdylyǧy 40 orynnan aspaityn, ūzyndyǧy 6-7,5 metrden kem emes mikroavtobusty şart jasasqannan keiın 20 kün ışındejetkızıp beruge mındetteledı-mıs.
Bızdı mynadai sūraqtar mazalaidy. Soltüstık Qazaqstan oblysynyŋ Dene şynyqtyru jäne sport basqarmasynda memlekettık tıldı bıletın bır maman joq pa? Soltüstıktıŋ şeneunıkterı mikroavtobusty qaraqūiryq dep audaryp, qazaq tılın masqaralaǧysy kele me? Tehnikalyq sipattamnyŋ qazaqşa nūsqasy nege joq? Basqarma memlekettık tıldı şettetıp, tıl turaly Zaŋdy öreskel būzyp otyrǧan joq pa?
Būl saualdardy tiıstı mekemege joldadyq. Jauaby kelgen soŋ, olardyŋ aitar uäjın de oqyrman nazaryna ūsynatyn bolamyz.
Qanat Bırlıkūly
“Adyrna” ūlttyq portaly
