Arbadaǧy balany tūtqyndaǧan. Polisiia män-jaidy tüsındırdı

Jelıde erekşe qajettılıgı bar jıgıttı polisiianyŋ ūstap, qamauǧa alǧany turaly video tarap kettı, dep habarlaidy “Adyrna” ūlttyq portaly. Oqyrmandar beinenıŋ pıkır bölımıne Bas prokuraturany belgılep, tüsınıkteme sūraǧan. Astana polisiia departamentı oqiǧanyŋ män-jaiyn tüsındırıp berdı. Jelıdegı beinede äiel adam aşuǧa bulyǧyp, densauyǧy älsız balasyn äketıp jatqan poliseilerge dauys kötergen. ”Nege alyp bara jatyrsyzdar? Mūndai adamnan qandai qauıp bar? Mügedekter arbasyndaǧy bala ne qauıp töndıruı mümkın? Bız qarsylaspadyq qoi. Bügın 8 tamyz”, – deidı äiel. Keiınnen Astana PD mügedek arbadaǧy jıgıttıŋ ūstalmaǧanyn habarlady. "Qylmystyq ıstıŋ nätijesınde Maŋǧystau oblysynyŋ tūrǧyny "Esıl" audandyq polisiia bölımşesıne jetkızıldı, sol uaqytta äiel özımen bırge qasynda jürgen ekı balasyn bırge alyp jürudı sūrady. Balalarynyŋ bırınıŋ erekşe qajettılıgı bar", – delıngen PD tüsındırmesınde. Tüsındırme jūmystarynan soŋ äiel üiıne jıberılgen.