Belgili ustaz, qoǵam belsendisi Ómir Shynybekuly Ashat Aımaǵambetovtyń qyzmetten bosatylýyna qatysty pikir bildirip, jańadan taǵaıyndalǵan Oqý-aǵartý mınıstrine sáttilik tiledi, dep jazady "Adyrna" ulttyq portaly.
"Mınıstr ketti.... Jańa mınıstrge sáttilik... Franýzdarda patsha ólse yrǵalyp-jyrǵalmaı "Korol óldi, jasasyn korol" dep kelesi patshany taqqa otyrǵyzatyn dástúr bar.. Bizde de "durys-burys" dep yrǵalyp-jyrǵalýǵa ýaqyt tapshy... Degenmen, ketken mınıstr týraly birer sóz aýyz sóz aıtaıyn.. Menińshe, Ashat Aımaǵambetov qyrýar sharýa atqardy. Ózge sharýalaryn sanamalap jatpaı-aq qoıaıyq.. Asekeńniń jasaǵandarynyń ishindegi eń súbelisi - ashyqtyǵy boldy. "Ia nachalnık, ty dýrak" degen bolshevıktik ustanymnan ajyraı qoımaǵan qoǵamda mınıstrdiń qatardaǵy muǵalimdermen etene jumys jasaýy, bizdiń qoǵamdy demokratııalandyrýǵa qosylǵan úlken úles dep aıtar edim.. Ózge mınıstrler men ákimder, ásirese ıdeologtar bul jóninen Ashat Qanatulynan úlgi alsa bolady...", - deıdi Ómir Shynybekuly.
Bilikti pedagog bilim salasynda áli de bolsyn sheshimin tappaı kele jatqan máselelerge toqtaldy.
"Al keıbir máselelerdi sheshe almasa oǵan bizdiń zańdardyń solqyldaqtyǵy (basqarma basshysyn ákimniń taǵaıyndaýy) kedergi boldy dep oılaımyn. Aımaǵambetovtiń jasaı almaı ketken taǵy isi - mınıstrlik pen onyń aınalasyn biliksiz kadrlardan tazarta almaýy der edim. Biraq bul jaǵdaıda da Ashat Qanatulyn túsinýge bolady. Mınıstrlikte jumys isteıtin keıbir mamandardyń "kókeleri" Aımaǵambetovten bıikte otyrýy múmkin.. Óz basym 3,5 jyldaı eń shýly da, daýly salany basqaryp úlken mektepten ótken dál qazirgi A.Aımaǵambetov úshin mınıstrdiń shekpeni tar dep oılaımyn! Prezıdent Q.Toqaev Aımaǵambetov sekildi potenıaly zor kadrdy ornymen paıdalanatyn shyǵar dep úmittenemin!", - deıdi tarıhshy.
Ómir Shynybekuly jańadan taǵaıyndalǵan Oqý-aǵartý mınıstri jaıly da sóz qozǵady.
"Al jańa mınıstrimiz Ǵanı Beısembaev bilim salasynyń barlyq baspaldaǵynan ótken óte tájirıbeli maman. Adam retinde kisini bótensinýdi bilmeıtin jaıdary da, ashyq minezdi ekenin bilemin! Sondyqtan, Ashat Qanatuly bastaǵan ashyqtyq dástúrin Ǵanekeń jalǵastyrady dep úmittenemin! Eki azamatymyzdyń da jumystaryna sáttilik tileımin! Biraq, Ǵanekeń óz jumysyn ózine qarasty barlyq memlekettik bilim berý mekemelerin tolyq ınventarızaııa men aýdıt ótkizýden bastamasa bári beker bolatynyna men kámil senemin!", - dep jazdy Ómir Shynybekuly.
"Adyrna" ulttyq portaly
