30 jyldyq tarıhymyzda «asymyzdy iship, astaýymyzǵa túkirgender» az bolǵan joq. Búgingi áńgimemiz solardyń kóshin bastap turǵan aǵaıyndy Aleksandr jáne Mıhaıl Sýtıagınskııler jaıly bolmaq.
Aǵaıyndy alaıaqtar 2006 jyly bılikti aınalshyqtap aqyry degenderine kóndirdi. Olar elimizde «Bıohım» jáne «Sılııým» zaýyttaryn salmaq bolyp, sol zaýyttarǵa bıliktiń aralasýymen qarajat aldy. Aǵaıyndylardyń jobasyna «Qazaqstannyń Damý Banki» 60 mln dollar, al «Alfa-Bank» 17,5 mln dollar, «entrKredıt Banki» 10,6 mln dollar jáne «BTA Banki» aqsha bóldi. Bul barlyq salymdardyń 10 paıyzynan astamy ǵana bolatyn.
Nátıjesinde, bári jaqsy bastaldy. 2006 jyly «Bıohım» zaýyty salynyp, Nazarbaevtyń ózi kelip ashyp berdi. Negizinde, naryqty bıootynmen toltyrýy qajet bolǵan kásiporynnyń az ýaqytta máselesi málim bola bastady. Alǵashynda elektr qýatymen, sońynan ónimdi satýǵa qatysty máselelerge malynǵan kásiporyn tıimsiz bolyp shyqty. Aqyry joba bankrotqa ushyrady. Salyqty syltaýratqan aǵaıyndy Sýtıagınskıılerdiń kózdegeni de osy boldy ma dersiń… Sebebi jobanyń qurylysyna qyrýar qarjy jumsaldy ǵoı. Nátıjesinde, zaýyt Qazaqstannyń ınvestıııalyq qoryna kóshti. Keıinnen memleket qatysatyn kompanııaǵa 20 mıllıon dollarǵa áreń satyldy.
Sýtıagınskııler munymen toqtaǵan joq. Olar taǵy bir «Sılııým» zaýytyn salýǵa kóshti. Onda da óz qarjylaryna emes, el qarjysyna. Taǵy da «Qazaqstannyń Damý Banki» men sol kezde Muhtar Áblıazov basshylyq etetin «BTA Banki» aqsha saldy. Sáıkesinshe, Sýtıagınskıılerdiń salmaqty sanalǵan «Sılııým» jobasy da sátsiz aıaqtalyp, bankrotqa ushyrady. Nesıe qaıtarylmady. Bul jobalardan «Qazaqstannyń Damý Banki» men «BTA Banki» orasan zor shyǵyn kórdi. Sońynan aǵaıyndylardyń úlkeni Aleksandr Sýtıagınskıı adam óltirýge oqtalǵany úshin, ıaǵnı adam óltirýge tapsyrys bergeni úshin 12 jyl arqalady. Al kishisi sol kúıde izin joǵaltty. Sodan beri únsiz ketken Mıhaıl Sýtıagınskıı jaqynda kórinis berdi. Árıne, Qazaqstanda emes. Ol jaqynda Pskov oblysynda Pýtınniń ózi onlaın qosylyp, ashyp bergen «Tıtan-Polımer» zaýytynyń dırektorlar keńesiniń tóraǵasy bolyp shyqty. Bul rette Qazaqstannyń mıllıondaǵan qarjysyn jymqyryp, elden tabanyn jaltyratqan Sýtıagınskııdiń oıda joqta «Tıtan-Polımer» zaýytynyń ınvestory bolyp shyǵa kelgeni esimizden tandyrdy. Óıkeni mundaı deńgeıdegi alaıaqty Pýtınniń bilmeı qalýy “kórmes-túıeni kórmestiń” kebi emes pe?
