Qazaqstan +7 telefon kodyn özgerıssız qaldyrady. Būl turaly Sifrlyq damu ministrlıgı jaŋa kodqa köşuge bolatynyn, bıraq qarjylyq jäne tehnologiialyq problemalar tuyndaitynyn aitty, dep habarlaidy “Adyrna” ūlttyq portaly.
Ministrlıktıŋ mälımetınşe, jeke kodty alu maqsatynda 2021 jyly Qazaqstan +997 halyqaralyq telefon kodyn rezervke qoiǧan. Bıraq sony engızuge qarjylyq jaǧdai men basqa da bırqatar mäseleler qolbailau ekenı aitylyp otyr.
"QARJYLYQ, TEHNOLOGİIаLYQ PROBLEMALAR"
Ministrlık osy jaǧdai tüsındırgen habarlamasynda jaǧdaidyŋ qandai ekenın tüsındıredı.
"Qazaqstan men Reseidıŋ bailanys vedomstvolary arasynda jasalǧan «Düniejüzılık nömırleudıŋ 7-aimaǧynyŋ nömırlenuın paidalanu turaly» 2006 jylǧy 17 mausymdaǧy kelısımge säikes, Qazaqstan qazırgı uaqytta Resei Federasiiasymen bırlesıp «+7» integrasiialanǧan halyqaralyq kodyn paidalanady. Jeke kodty alu maqsatynda 2021 jyly Qazaqstan +997 halyqaralyq telefon kodyn rezervke qoidy. Bailanys operatorlarymen jaŋa kodqa köşu mäselesın pysyqtauda jaŋa kodqa köşuge bolatyny, bıraq bırqatar qarjylyq jäne tehnologiialyq problemalarǧa äkep soqtyratyny aityldy", - dep jazylǧan Sifrlyq damu ministrlıgınıŋ habarlamasynda.
Sonymen qatar, otandyq bailanys operatorlarynyŋ barlyq abonentterıne memlekettık jäne banktık qyzmetterdı, äleumettık jelılerdı jäne türlı qosymşalardy alu üşın barlyq servisterde öz derekterın jaŋartu qajettılıgı tuyndaidy. Tiısınşe, ötpelı kezeŋde sätsızdıkter men jaǧymsyz täjıribeler yqtimaldyǧy joǧary ekenı aitylady.
RESEIMEN JAŊA KELISIM
Sifrlyq damu ministrlıgı osy oraida Reseimen kelıssöz jürgızılgenınen qūlaǧdar etken.
"Ministrlık halyqaralyq telekommunikasiia odaǧymen qaita kelıssözder jürgızıp, +7 halyqaralyq kodyn özgertpei qaldyru turaly şeşım qabyldady. Osyǧan bailanysty Resei Federasiiasynyŋ sifrlyq damu, bailanys jäne būqaralyq kommunikasiialar ministrlıgımen Resei Federasiiasynyŋ ükımetı men Qazaqstan ükımetı arasynda düniejüzılık nömırleudıŋ 7-şı aimaǧynyŋ nömırın paidalanu turaly jaŋa kelısım jasau mäselesı pysyqtaldy. Qazırgı uaqytta joba memlekettık organdarmen jäne müddelı taraptarmen kelısılgen. Kelısu nätijelerı boiynşa joba Resei Federasiiasyndaǧy diplomatiialyq arnalar arqyly jıberıldı», - deidı vedomstvo.
Qazırgı uaqytta Resei Federasiiasy jaǧynda memleketışılık qaita kelısu räsımderı jürıp jatyr. Ärı qarai jobany kelısu turaly Resei Federasiiasynyŋ notasyn alǧan soŋ kelısımge qol qoiu jäne qabyldau jūmystary jürgızıledı.
Aita keteiık, Qazaqstan «+7» halyqaralyq kodyn KSRO ydyraǧannan berı qoldanyp keledı. 2006 jyly Reseimen tiıstı kelısımge qol qoidy. 2021 jyly Qazaqstan +997 halyqaralyq telefon kodyn rezervke qoiǧan.
2021 jyldyŋ qyrküiegınde Sifrlyq damu ministrı Baǧdat Musin Qazaqstan Täuelsızdıgınıŋ 30 jyldyǧyna arnalǧan nömırdı rezervteudı «simvoldyq» dep atady.
«Būryn bız Reseimen bırge +7 kodyn bölısetın edık, endı bızdıŋ elden şetelge qoŋyrau şalǧanda «Qazaqstan» degen jazu şyǧady. +997-ge tolyq köşu bızge ūlttyq nömırleu resursyn derbes taratuǧa mümkındık beredı. Abonentter men qyzmetter sany boiynşa ūlttyq jüienı keŋeitu kerek», - degen edı Baǧdat Musin.
Ūqsas jaŋalyqtar
