Reseıdiń "Rossııa 1" arnasyndaǵy “Vecher s Vladımırom Solovevym” saıası tok-shoýynda saıasattanýshylar Qazaqstandy Ýkraınadan keıin problema dep atady, dep habarlaıdy “Adyrna” ulttyq portaly.
“Tyńdańyzdar, endi Qazaqstan – bizdiń kelesi máselemiz ekenine nazar aýdaraıyqshy. Sebebi ol jaqta da Ýkraınadaǵydaı naıstik úderis qalyptasýy múmkin. Ol elde orystar da kóp, aýmaǵy da, Semeı de, oǵan qosa, Rosatomnyń ıadrolyq materıaldary da sol jaqta”, – deıdi sarapshylardyń biri.
Buǵan tok-shoýdy júrgizýshi Solovev ta pikir bildirdi.
“Árıne! Qazaqstan men Reseı arasyndaǵy shekara qurlyqtaǵy eń uzyn shekara”, – dep jaýap berdi.
Aıta keteıik, mamandar bul tok-shoý men Vladımır Solovevty Reseı saıasatyn úgitteýshi dep biledi. Ýkraınadaǵy soǵysty jaqtaǵan telejúrgizýshige buryn Eýropa odaǵy birneshe sankııa salǵan edi.
