Qazaqstandyq senator Sergei Erşov federaldy telearnalardyŋ bırınde körsetılgen reseilık tarihşy Mihail Smolinnıŋ Ortalyq Aziia halyqtary turaly mälımdemesıne qatysty pıkır bıldırdı, dep habarlaidy “Adyrna” ūlttyq portaly.
Senat otyrysynda jurnalister deputattyŋ mūndai mälımdemelerge qalai qaraitynyn sūrady. "Köp närse özgerdı. Bıraq resmi tarih bar. Bızdı Keŋes Odaǧy kezınde basqaşa oqytty, qazır basqa. Al atalǧan elderdıŋ tarihy öte tereŋde. Būl jerde türıkter bolǧan, olar bar jäne bola beredı. Kımnıŋ ne aitatyny ekınşı orynda. Sondyqtan özgenıŋ pıkırın būlai qabyldamauymyz kerek. Kım ne aitpai jatyr", - deidı Sergei Erşov. Senatordyŋ aituynşa, mūndai arandatuşylyq bıreudıŋ ädeiı jasaǧan ısı ekenı anyq. “Būl bızdıŋ aramyzdaǧy (Qazaqstan men Resei) qarym-qatynasty būzu üşın ädeiı jasalyp otyr dep esepteimın. Bız qazaqstandyqpyz, bızdıŋ tarihymyz bai. Ūly Otan soǧysynda bırge soǧystyq, 600 myŋ adam qaza tapty. Ärbır törtınşı qazaqstandyq soǧysqa qatysty. Būl qasiettı ıs dep sanaimyn”, - dep qosty parlamentarii. Erşov Reseige bırneşe ret barǧanyn jäne reseilık ärıptesterınen saiasatkerlerdıŋ, tarihşylardyŋ jäne BAQ ökılderınıŋ Qazaqstan turaly mūndai mälımdemelerıne qalai qaraityndaryn sūraǧanyn aitty. “Bızde aqymaqtar bar deidı, bıraq olardyŋ ärqaisysynyŋ auzyna qaqpaq bola almaisyŋ. Reseide bızdıŋ tarihymyzdy jaqsy bıledı, al qazaqtar ol jerde jaqsy ömır sürıp jatyr. Al, bız, orystar osynda jaqsy ömır sürıp jatyrmyz. Eger bız ärbır aqymaqtyqqa jauap beretın bolsaq, ne bolady”, - dep qosty deputat. Eske salaiyq, būǧan deiın reseilık tarihşy Mihail Smolin reseilık telearnalardyŋ bırınde 1917 jylǧa deiın qazaq pen özbek ūlt retınde bolmaǧanyn aitqan bolatyn.“Adyrna” ūlttyq portaly
Ūqsas jaŋalyqtar
