Aqtöbedegı ken ornynda taǧy apat boldy. Saldarynan Hromtau audanyndaǧy Döŋ ken baiytu kombinatynda jūmysşy auyr jaralandy, dep habarlaidy “Adyrna” ūlttyq portaly QazAqparatqa sıltep.
Döŋ ken baiytu kombinatynyŋ 28 jastaǧy jūmysşysy jaralanyp, auruhanaǧa tüstı. Aqtöbe oblystyq eŋbek inspeksiiasy basqarmasy basşysynyŋ orynbasary Talǧat İskarinnıŋ habarlauynşa, tau-ken şeberı su nasosyn teksergen. Sol kezde nasos bırneşe bölıkke bölınıp, jūmysşynyŋ aiaǧy men qolyna zaqym keldı. Ony aldymen Hromtau audandyq auruhanasyna jetkızgenımen, keiın oblystyq jedel medisinalyq järdem auruhanasyna tasymaldandy. Emdeu ornynda ota jasaldy.«Aiaǧy synyp, jılınşıgıne zaqym kelgen. Aşyq jarasy bar. Qolynyŋ sausaqtary da synǧan. Jaǧdaiy ortaşa auyr. Qazırgı kezde travmatologiia bölımınde em qabyldap jatyr», - dep habarlady oblystyq densaulyq saqtau basqarmasy.
Ūqsas jaŋalyqtar
