Táýelsizdik qarsańynda Óskemen qalasyndaǵy 23 kósheniń ataýy aýysty. Qaladaǵy ıdeologııalyq jaǵynan eskirgen kóshe ataýlary Qazaq eliniń tarıhy, qundylyqtary men jer-cý ataýlaryna negizdelip, qaıta jańartyldy. Mundaı resmı aqparattyń sońy ádettegideı daýǵa ulasty. Degenmen, Óskemen qalasynyń belsendileri bul ıgi isti tabandy túrde jalǵastyratyndaryna sendirip otyr. Bul jaıly "Adyrna" ulttyq portaly habarlaıdy.
"Egemen Qazaqstan" basylymynyń shyǵystaǵy menshikti tilshisi Mereı Qaınaruly qýanyshty jańalyqpen bólisti. Onyń aıtýynsha Óskemen qalasyndaǵy 23 kósheniń ataýy kommýnıstik bulǵaýdan tazartylyp, Qazaqy tarıhqa negizdestirilgen. Jańartylǵan kóshe ataýlarynyń arasynda "Alashorda" Úkimeti men qazaq jolynda qurban bolysqan ózge ult ókilderiniń de esim-soıy bar.
Búgin Óskemendegi ıdeologııalyq jaǵynan eskirgen kóshe ataýlaryn aýystyrý jáne ataýsyz kóshelerge ataý berý boıynsha qoǵamdyq tyńdaý ótti. Jalpy Óskemende – 714 kóshe bar. Onyń ishinde:Orys tilinde – 566 kósheQazaq tilinde – 148 kósheJeke tulǵalardyń esimimen atalatyn kósheler sany – 239.Onyń ishinde:Orys ultynan – 142Qazaq ultynan – 64Basqa ulttardan – 33Amanat, Órken sekildi beıtarap ataýy bar kósheler sany – 315Kolhoznaıa, Pıonerskaıa syndy ıdeologııalyq turǵyda eskirgen kósheler sany – 81Maǵynalyq máni joq kósheler – 79. Búgin memlekettiń damýyna úles qosqan aıtýly tulǵalardyń esimin berý úshin qoǵamdyq tyńdaý ótip, 23 kóshe ataýy aýystyrylatyn boldy. Depýtattar qoldady.Atap aıtsaq; Kalının kóshesi – Ábilhan Qasteev,Kýtýzov kóshesi – Latıf HamıdıKýıbyshev kóshesi – Tımofeı Sedelnıkov
Sh.Ýtepov – Oralhan BókeıMıkoıan kóshesi – Aleksandr SyzǵanovEntýzıastov kóshesi – Boshaı KitapbaevStahanovskaıa kóshesi – Jaqsylyq ÚshkempirovKrasnoznamennaıa kóshesi – Irına ErofeevaKrasın kóshesi – Borıs AleksandrovFrýnze kóshesi – Emanýıl RomanenkoK.Lıpneht kóshesi – Borıs KerimbaevBókeev kóshesi – Tutqabaı ÁshimbaevStepan Razın kóshesi – Kırıll ErmolaevM.Gorkıı (Menovnoe) – Talaptan AhmetjanovBazovaıa kóshesi – Jibek jolyKolhoznaıa kóshesi – AsqartaýRoza Lıýksembýrg – ArnaSovhoznaıa kóshesi – ÓrkenSovhoznyı tuıyq kóshesi – TalasChapaev kóshesi – BerelKrasnodonskaıa kóshesi – AraıKrasnoflotskaıa kóshesi – Muztaý
Mine! Bıyl 23 kóshe ataýy aýystyryldy. Joǵaryda atalǵan tulǵalardyń kim ekenin ózderińiz de bilesizder dep oılaımyn. Aıta keterligi, bul jumystar áli de jalǵasyn tabady, - dedi óńir jýrnalısi.
Sońynda avtordyń feısbýktegi jazbasyna ýáj aıtylyp, pikir ala-qulalyǵy týdy.
"Tarıhshy ǵalym Irına Erofeeva umytylmapty. Ábilqaıyr han, Shaqshaq Jánibek týraly tolymdy eńbek jazǵan kisi edi", "Ertóstik degen kósheni kórip qýanyp qaldym", "Grýzınskıı, Sevastopolskaıa, Vınogradov, Chapaev, Smırnov, Kıev kósheleri sııaqty kósheler kóp qoı. Álde qazaqsha ataýlar joqpa? Qaırat Rysqulbekov sııaqty ataýlardy nege bermeıdi", "Ol orys pen bul orystyń arasy jer men kókteı. Máselen, Kýıbyshevtyń ornyn basatyn, Tımofeı Sedelnıkov Alash qaıratkerlerimen úzeńgiles qyzmet etip, orystyń ımperııalyq saıasatyna qarsy shyqqan. Sońynda repressııaǵa ushyrap alashtyqtarmen birge atylyp ketken", "Áı, osyny aıtshy, resmı tilde Ýst-Kamenogorsk - Óskemen bolyp ózgerdi me, joq pa? Bir aqpar taba almadym. Al orys ataýlaryna keletin bolsaq, Permıtın kóshesi dep jaza beremin. Nege egov arqyly shyǵatyn anyqtamalarda ózgerissiz oryssha jazylyp tura beredi" dep jazdy oqyrmandar.
