Öskemen qalasyndaǧy mektepte kämeletke tolmaǧan qyzben jynystyq qatynasqa tüspek bolǧan ekı mūǧalım jūmystan quyldy. Būl turaly ŞQO Polisiia departamentınıŋ mälımdedı, dep habarlaidy “Adyrna” ūlttyq portaly.
Äleumettık jelılerde qaladaǧy №30 mektep aumaǧynda ekı er adamnyŋ kämeletke tolmaǧan qyzben jynystyq qatynasqa tüspek bolǧan videosy tarady. Olar sol bılım ordasynyŋ qyzmetkerı bolyp şyqty. Ekeuı de mas küide bolǧan. Al jasöspırım qyzdyŋ kım ekenı äzırge belgısız.
«Ekı mūǧalım men mektep küzetşısı qyzmetınen bosatyldy. Beinebaqylau kamerasynyŋ jazbasynan zorlyq-zombylyq faktılerı baiqalmaǧan. Endı qala mektepterındegı baqylaudy küşeitemız», – dedı Öskemen qalalyq bılım bölımınıŋ basşysy Säule Alagözova.ŞQO Polisiia departamentınıŋ mälımetınşe, olar jynystyq qatynasqa tüsıp ülgermegen. Qoldanystaǧy zaŋnamaǧa säikes, er adamdar ūsaq būzaqylyq baby boiynşa äkımşılık jauapkerşılıkke tartyldy.
”Adyrna” ūlttyq portaly
Ūqsas jaŋalyqtar
