Áleýmettik jelide Reseı kınosynyń shashbaýyn kóterip, orys tarıhyn ulyqtaǵan fılmge ustazdary "aldyna salyp, dedektetip aparǵan" almatylyq bir top oqýshynyń vıdeosy tarady. Bul qorash jaıtty "arbat.media" jýrnalısi habarlady, dep jazdy "Adyrna" ulttyq portaly.
7 jeltoqsan kúni Almatynyń "ezar" kınoteatrynda TMD elderiniń "Eýrazııa.doc" derekti kınofestıvaliniń tusaýkeseri ótti. Is-sharada kórermenderge kórshi memlekettiń "Reseı. Biz 30 jastamyz" fılmi kórsetildi.
Buǵan deıin Qazaq eliniń azamattary orys tarıhyn áspettegen fılmniń Qazaq eli úshin qajeti joǵyn aıtyp, bas kótergen edi. Biraq oqýshylar maqsatty túrde zaldy toltyrý úshin mektepten kınoteatrǵa jiberilgen. Josyn jaǵdaıdyń anyq-qanyǵy jaıly "arbat.media"-nyń jýrnalısi baıandady.
- Fılm kórsetile bastaǵanǵa deıin zal bos boldy. Anda-mynda jas jigitter men birneshe orta jastaǵy áıelder otyrdy7 Biraq 10 mınýttan keıin, jınalǵandar óz kózine ózi senbedi. Mektep formasyndaǵy balalar topyrlap kelip, birinen soń biri zalǵa kire bastady.
Barlyq oqýshylar synyp jetekshisimen birge keldi. Bul arnaıy "delegaııanyń" N132 mektep-gımnazııasynan ekeni anyqtaldy. Muǵaliminen qysqa suhbat aldyq. Onyń aıtýynsha, búgingi kórsetilimge orys tilinde oqytatyn 8-synyp oqýshylary kelgen. Muǵalimniń ózi fılmniń balalar úshin paıdaly ekendigin aıtyp otyr, - dep jazdy jýrnalıst.
Jýrnalıstiń qoıǵan saýalyna Almatydaǵy N132 mektep-gımnazııasynyń orys bólimine sabaq beretin oqytýshy:
- Munda 10 adamnan turatyn eki synyp bar. Bizge festıvalge barý, prezentaııany qaraý kerektigi aıtyldy. Qyzyqty bolady dep úmittenemiz, ásirese balalar úshin... Munda 8-shi orys synyby otyr. Mundaı buıryq gımnazııa dırektorynan kelip tústi, - dep jaýap qatty.
Sonymen qatar, beıresmı derekterge sensek, mundaı festıvalge "Turan" ýnıversıteti men "ezar" kınoteatry qoldaý kórsetkeni de aıtylyp otyr.
"Adyrna" ulttyq portaly
