تاۋەلسىزدىك قارساڭىندا وسكەمەن قالاسىنداعى 23 كوشەنىڭ اتاۋى اۋىستى. قالاداعى يدەولوگيالىق جاعىنان ەسكىرگەن كوشە اتاۋلارى قازاق ەلىنىڭ تاريحى، قۇندىلىقتارى مەن جەر-cۋ اتاۋلارىنا نەگىزدەلىپ، قايتا جاڭارتىلدى. مۇنداي رەسمي اقپاراتتىڭ سوڭى ادەتتەگىدەي داۋعا ۇلاستى. دەگەنمەن، وسكەمەن قالاسىنىڭ بەلسەندىلەرى بۇل يگى ءىستى تاباندى تۇردە جالعاستىراتىندارىنا سەندىرىپ وتىر. بۇل جايلى "ادىرنا" ۇلتتىق پورتالى حابارلايدى.
"ەگەمەن قازاقستان" باسىلىمىنىڭ شىعىستاعى مەنشىكتى ءتىلشىسى مەرەي قاينارۇلى قۋانىشتى جاڭالىقپەن ءبولىستى. ونىڭ ايتۋىنشا وسكەمەن قالاسىنداعى 23 كوشەنىڭ اتاۋى كوممۋنيستىك بۇلعاۋدان تازارتىلىپ، قازاقى تاريحقا نەگىزدەستىرىلگەن. جاڭارتىلعان كوشە اتاۋلارىنىڭ اراسىندا "الاشوردا" ۇكىمەتى مەن قازاق جولىندا قۇربان بولىسقان وزگە ۇلت وكىلدەرىنىڭ دە ەسىم-سويى بار.
بۇگىن وسكەمەندەگى يدەولوگيالىق جاعىنان ەسكىرگەن كوشە اتاۋلارىن اۋىستىرۋ جانە اتاۋسىز كوشەلەرگە اتاۋ بەرۋ بويىنشا قوعامدىق تىڭداۋ ءوتتى. جالپى وسكەمەندە – 714 كوشە بار. ونىڭ ىشىندە:ورىس تىلىندە – 566 كوشەقازاق تىلىندە – 148 كوشەجەكە تۇلعالاردىڭ ەسىمىمەن اتالاتىن كوشەلەر سانى – 239.ونىڭ ىشىندە:ورىس ۇلتىنان – 142قازاق ۇلتىنان – 64باسقا ۇلتتاردان – 33امانات، وركەن سەكىلدى بەيتاراپ اتاۋى بار كوشەلەر سانى – 315كولحوزنايا، پيونەرسكايا سىندى يدەولوگيالىق تۇرعىدا ەسكىرگەن كوشەلەر سانى – 81ماعىنالىق ءمانى جوق كوشەلەر – 79. بۇگىن مەملەكەتتىڭ دامۋىنا ۇلەس قوسقان ايتۋلى تۇلعالاردىڭ ەسىمىن بەرۋ ءۇشىن قوعامدىق تىڭداۋ ءوتىپ، 23 كوشە اتاۋى اۋىستىرىلاتىن بولدى. دەپۋتاتتار قولدادى.اتاپ ايتساق; كالينين كوشەسى – ءابىلحان قاستەەۆ،كۋتۋزوۆ كوشەسى – لاتيف حاميديكۋيبىشەۆ كوشەسى – تيموفەي سەدەلنيكوۆ
ش.ۋتەپوۆ – ورالحان بوكەيميكويان كوشەسى – الەكساندر سىزعانوۆەنتۋزياستوۆ كوشەسى – بوشاي كىتاپباەۆستاحانوۆسكايا كوشەسى – جاقسىلىق ۇشكەمپىروۆكراسنوزنامەننايا كوشەسى – يرينا ەروفەەۆاكراسين كوشەسى – بوريس الەكساندروۆفرۋنزە كوشەسى – ەمانۋيل رومانەنكوك.ليپنەحت كوشەسى – بوريس كەرىمباەۆبوكەەۆ كوشەسى – تۇتقاباي اشىمباەۆستەپان رازين كوشەسى – كيريلل ەرمولاەۆم.گوركي (مەنوۆنوە) – تالاپتان احمەتجانوۆبازوۆايا كوشەسى – جىبەك جولىكولحوزنايا كوشەسى – اسقارتاۋروزا ليۋكسەمبۋرگ – ارناسوۆحوزنايا كوشەسى – وركەنسوۆحوزنىي تۇيىق كوشەسى – تالاسچاپاەۆ كوشەسى – بەرەلكراسنودونسكايا كوشەسى – ارايكراسنوفلوتسكايا كوشەسى – مۇزتاۋ
مىنە! بيىل 23 كوشە اتاۋى اۋىستىرىلدى. جوعارىدا اتالعان تۇلعالاردىڭ كىم ەكەنىن وزدەرىڭىز دە بىلەسىزدەر دەپ ويلايمىن. ايتا كەتەرلىگى، بۇل جۇمىستار ءالى دە جالعاسىن تابادى، - دەدى ءوڭىر ءجۋرناليسى.
سوڭىندا اۆتوردىڭ فەيسبۋكتەگى جازباسىنا ءۋاج ايتىلىپ، پىكىر الا-قۇلالىعى تۋدى.
"تاريحشى عالىم يرينا ەروفەەۆا ۇمىتىلماپتى. ابىلقايىر حان، شاقشاق جانىبەك تۋرالى تولىمدى ەڭبەك جازعان كىسى ەدى", "ەرتوستىك دەگەن كوشەنى كورىپ قۋانىپ قالدىم", "گرۋزينسكي، سەۆاستوپولسكايا، ۆينوگرادوۆ، چاپاەۆ، سميرنوۆ، كيەۆ كوشەلەرى سياقتى كوشەلەر كوپ قوي. الدە قازاقشا اتاۋلار جوقپا؟ قايرات رىسقۇلبەكوۆ سياقتى اتاۋلاردى نەگە بەرمەيدى", "ول ورىس پەن بۇل ورىستىڭ اراسى جەر مەن كوكتەي. ماسەلەن، كۋيبىشەۆتىڭ ورنىن باساتىن، تيموفەي سەدەلنيكوۆ الاش قايراتكەرلەرىمەن ۇزەڭگىلەس قىزمەت ەتىپ، ورىستىڭ يمپەريالىق ساياساتىنا قارسى شىققان. سوڭىندا رەپرەسسياعا ۇشىراپ الاشتىقتارمەن بىرگە اتىلىپ كەتكەن", ء"اي، وسىنى ايتشى، رەسمي تىلدە ۋست-كامەنوگورسك - وسكەمەن بولىپ وزگەردى مە، جوق پا؟ ءبىر اقپار تابا المادىم. ال ورىس اتاۋلارىنا كەلەتىن بولساق، پەرميتين كوشەسى دەپ جازا بەرەمىن. نەگە egov ارقىلى شىعاتىن انىقتامالاردا وزگەرىسسىز ورىسشا جازىلىپ تۇرا بەرەدى" دەپ جازدى وقىرماندار.
