Aýyl sharýashylyǵy mınıstri Erbol Shyraqpaıuly Prezıdenttiń birqatar tapsyrmasyn oryndamaı júr. Bul týraly «Shopan ata» Ulttyq birlestiginiń tóraǵasy Almasbek Sadyrbaev aıtty, dep habarlaıdy “Adyrna” ulttyq portaly.
Aıtýynsha, aýyl sharýashylyǵy mınıstriniń qazaq sharýasyna jany ashymaıdy.
“Ótken jolǵydan keıin mınıstrdi oflaın ómirde ekinshi ret kórip turmyz. Kóre almaımyz, tipti jınalystarǵa da qatyspaıdy. Vıe-mınıstrlermen álek bolamyz. Biraq ol kisiler eshteńe sheshe almaıdy. Sonymen barlyǵy uzyn quıymshaq bolyp qalady…
Byltyr Mańǵystaýda jut bolǵanda Erbol Shyraqpaıulynyń aıy ońynan, juldyzy sońynan týdy. Óıtkeni, jem-shóp máselesi boıynsha aldyndaǵy mınıstrdi sheshýge jiberdi. Eń birinshi tapsyrmasy sol boldy. Másele sheshilgen joq. Prezıdenttiń birinshi tapsyrmasy sheshilgen joq. Búgingi kúnde sol Mańǵystaý jem-shópti óz kúshterimen Soltústikten tartyp otyr. Qyzylordada bul másele ózekti”,- dedi Almasbek Sadyrbaev.
Sondaı-aq, ol veterınarııa salasyn da ózekti máseleni qozǵap ótti.
“Veterınarııa salasyna kúrdeli reforma jasalmady. Veterınarııa máselesi sheshilmedi. Veterınarlardyń aılyǵyn bolar-bolmasqa, aldamshy paıyzǵa ósirdi de, bitti. Reforma ol emes. Sizge prezıdent veterınarlardyń aılyǵyn ósir dep qana bergen joq, reforma jasa dep berdi. Reforma degenimiz - búkil baǵytty ózgertý, memlekettik veterınarııadan kásibı veterınarııaǵa aýysý, jeke-menshik veterınarııany qosý, jeke-menshik laboratorııalardy qosý. Siz prezıdenttiń ekinshi tapsyrmasyn da oryndamadyńyz”, - dedi Sadyrbaev.
Odan bólek, prezıdenttiń kelesi tapsyrmalary oryndalmaǵany týraly da aıta ketti. Atap ótsek, jeke qosalqy sharýashylyq týraly zań qabyldanbady. Ishki óńdeýdi 25%-ǵa arttyrý týraly tapsyrma da oryndalmaǵan. Sýbıdııalaýdyń máseleleri de shash etekten.
“Eń soraqasy - Erbol Shyraqpaıuly tórt túligimizge kórsetilmegen qoldaýdy, 80% sýbsıdııa túrinde shoshqa sharýashylyǵyna berýge daıyn ekenine kózimiz jetti. Qazaq sharýashylyǵyna jany ashymaǵan jerde osyndaı problemalar shyǵa beredi.
Prezıdenttiń tapsyrmasyn oryndamaıtyn, halyqtyń múddesin alǵa salmaıtyn, 60 000 adam qol qoıǵan qujatty elemeıtin mınıstr sizge kerek pe?”,- dedi agro-ekspert.
