Úkimet múddeli memlekettik organdarmen jáne uıymdarmen birge Qazaqstannyń qoı ósirýshileri ulttyq qaýymdastyǵynyń tóraǵasy Almasbek Sadyrbaevtyń tiri usaq maldardy eksportqa shyǵarýǵa «tolyq tyıym salý» týraly usynysyn qaraǵan bolatyn.
Osy mańyzdy másele boıynsha «Adyrna» ulttyq portalynyń kezekti suhbaty Almasbek Sadyrbaev myrzamen boldy.
Ózińiz usynys tastaǵandaı, qoı eksportyna tyıym salynýy múmkin.
Al keıbir fermerler osy tyıym salýdy qarjylyq jaǵdaıǵa keri áserin tıgizedi dep jar salýda.
-Jalpy bul tyıymnyń qandaı oń túıini bar?
-Ol fermerlerdi de túsinýge bolady. Ońaı kezeń emes. Onyń ústine myna pandemııa jaǵdaıy da kóńil kúıdi basyp, sharýaǵa jaǵalasyp tur. Qymbatshylyq. Osy turǵydan alǵanda dalada júrgen sharýanyń zary oryndy.
Biraq biz bir kúndigimizdi emes, myna ósip kele jatqan urpaq qamyn da tereńnen oılaýymyz kerek.
Ýaqyt bul qýańshylyqpen bitip qalmaıdy. Alda ne kútip turǵanyn kim bilgen?
Sondyqtan bul máselede keń kólemde oılap, birigý kerek.
-Ár jerde ár túrli statıstıka keltirilýde. Bir tusta 15 mln, bir jerde 20 mln deıdi. Qazaqstanda naqty qoı basy qansha?
-20 dep aıtylyp júr. Resmı sandy Aýylsharýashylyq mınıstrligi aıtqany durys shyǵar. Osy sandy paıdalanamyz qajet jaǵdaıda. Biraq tirkelmegen mal da az emes.
-Qoıǵa memlekettik qandaı qoldaý baǵdarlamalary bar? Sýbsıdııa deńgeıi, kólemi?
-Memlekettiń arnaıy kompanııalar arqyly qoldaý baǵdarlamalary bar.
Sybaǵa, taǵy da birneshe, dál qazir umytyp turmyn. Biraq nátıje kóńil kónshitpeıdi.
Agrosaıasat isinde qısyq jazylyp ketken taraýlar az emes. Qarapaıym sharýalarǵa memleket kómegi jete bermeıdi.
-Qýańshylyq elimizdiń barlyq óńirinde boı kórsetýi múmkin be?
-Iá, ábden yqtımal. Sonaý Saryaǵashta jylqynyń tezegin jep jatqan iri qarany kórip shoshydyq.
Shyǵys Qazaqstanda da sý máselesi kún tártibinde tur. Jut jeti aǵaıyndy deıdi. Budan da qıyn kezeńderge daıyndalýymyz kerek.
-Toqtatýdyń qandaı tásilderi qarastyrylyp jatyr?
Tásilderi óte qarapaıym. Biraq tabıǵattyń isine qalaı qarsy turamyz?
Jalpy bizdiń sharýalardyń bilimin, mal baǵý isindegi tájirıbesin shyńdaýymyz kerek.
-Mańǵystaýǵa saparyńyz qandaı sapaly josparǵa toly?
Kómek hám maqsat qandaı?
-Mańǵystaý saparynda malshylarmen jolyǵyp, Soltústikke kóship barý máselesinde túsindirý jumystary júrgizemin.
Ekinshiden, tanymdyq semınar sabaqtarymdy uıymdastyramyn.
Sharýashylyqtardy aralap, baǵyt baǵdar beremin. Aldaǵy aılarda atqarylýy tıis máselelerdi qaraımyz,
Úkimetke áli de bolsa jetpeı jatqan jaıttardy aıtamyn.
Aıta keteıin, aldaǵy ýaqytta osy máseleler Asqar Mamınniń qatysýymen qaralady.
Ákimderge talap kúsheıedi.
Suhbatyńyzǵa raqmet!
Injý ÓMIRZAQ,
"Adyrna" ulttyq portaly
