Atyrauda 8 jasar oquşy özenge batqan ekı jasöspırımdı qūtqardy. Būl turaly Atyrau oblystyq polisiia departamentı mälımdedı. Qūtqarǧan sät videoǧa tüsıp qalǧan, dep habarlaidy “Adyrna” ūlttyq portaly.
Mälımet boiynşa, 3 jeltoqsanda kämeletke tolmaǧan ekı 14 jäne 9 jastaǧy jasöspırımder «Jūmysker» yqşam audanyndaǧy köpırdıŋ janynda mūz üstınde oinap jürgen. Kenetten mūz jarylyp, balalar suǧa batuǧa şaq qalǧan. Dınmūhammed oilanbastan kömekke jetıp, basyn qaterge tıgıp, jıgıtterdı mūzdai sudan alyp şyqty.
“Suǧa batyp bara jatqan balalardy körgende, menıŋ jalǧyz oiym olardy qūtqaru boldy, öitkenı aǧys qatty. Men oilanbastan mūzdyŋ oiyǧyna jügırıp baryp, ekı balany sudan alyp şyqtym. Men olardy qūtqaru üşın qoldan kelgennıŋ bärın jasadym”, - deidı 8 jasar Dınmūhammed.
Keiın oqiǧa ornyna jetken polisiia qyzmetkerlerı balalarǧa kömektesıp, olardy aman-esen ata-analaryna tapsyrdy.
“Men Dınmūhammedke balamdy ölımnen aman alyp qalǧan batyl äreketı men janaşyrlyq sezımı üşın erekşe alǧys aitqym keledı. Ol bolmaǧanda mūnyŋ soŋy qalai bolaryn kım bılsın?! Ol osyndai batyldyǧy üşın ülken qūrmetke laiyq. Men de özımnıŋ alǧysymdy bıldıremın. erjürek, abzal ūl tärbielep ösırgen ata-anasyna myŋ alǧys. Eŋ bastysy denı sau bolyp össın”, - deidı qūtqarylǧan 9 jasar balanyŋ anasy.
Aita keteiık, polisiia qyzmetkerlerı mūzdyŋ älı jūqa ekenın jäne onyŋ üstı öte qauıptı ekenın eskertedı. Sondai-aq, kämeletke tolmaǧan balalardyŋ ata-analaryn balalaryn qadaǧalauǧa şaqyrady.
