Nauryznamanyŋ jetınşı künınde Atyrauda Ūlttyq sport künı toilandy. Atalǧan merekege orai Dene şynyqtyru, sport jäne turizm basqarmasynyŋ ūiymdastyruymen ūlttyq sport türlerınen jarys öttı. Halqymyzdyŋ mädeni mūrasyn jaŋǧyrtyp, salauatty ömır saltyn nasihattauǧa baǧyttalǧan maŋyzdy mereke İsatai-Mahambet alaŋynda toilandy,- dep habarlaidy Öŋırlık kommunikasiialar qyzmetı.
Tartysty dodada qazaq küresı, asyq atu, arqan tartys, läŋgı tebu, qoi köteru jäne «Tolaǧai alyptar» saiystary ūiymdastyryldy. Onda 500-ge juyq käsıbi jäne äuesqoi sportşy baq synap, özara şyn myqtyny anyqtady. Jüldegerlerge qomaqty syi-syiapattar daiyndalǧan. Jalpy alaŋǧa 3000-ǧa tarta tūrǧyn jinalyp, jergılıktı önerpazdar än şyrqap, mereke körkın qyzdyra tüstı.
Sondai-aq qolöner şeberlerınıŋ daiyndaǧan ūlttyq naqyştaǧy būiymdary körmege qoiylyp, keluşıler nazaryna ūsynyldy.
Oblystyq dene şynyqtyru, sport jäne turizm basqarmasynyŋ bölım basşysy Amanjol Saǧynǧalievtıŋ aituynşa, mūndai ıs-şara jyl saiyn öŋırde joǧary därejede ötedı. 
- Mūndai ıs-şaralar arqyly bız dästürımızdı jaŋǧyrtyp, jas ūrpaqqa nasihattaimyz. Aldaǧy uaqytta da būl baǧyttaǧy jūmystar jalǧasyn tabady, – dedı ol.
Alaŋda alty sport türıne jastar belsene qatysyp, özderınıŋ eptılıgı men şeberlıkterın körsettı.
- Bügıngı saiysqa arnaiy keldım. Ūlttyq sport türlerınıŋ bärıne qatysyp, belsendı bolu jyl saiynǧy maqsatym. Qoldan kelgenşe jeŋıstı qanjyǧama bailauǧa tyrysamyn. Özge jastardy da belsendı atsalysuǧa şaqyramyn, - dedı qatysuşy Aidar Jobalov.
Sonymen qatar oblysqa qarasty 7 audanda da ūlttyq sport türlerınen 161 būqaralyq ıs-şaralar ūiymdastyryldy.
