Maŋǧystau oblysyndaǧy Jaŋaözen-Kendırlı tasjolynda jol-kölık apatynan 10 adam qaza tapty. Onyŋ beseuı kämeletke tolmaǧan. Osy oqiǧaǧa bailanysty Maŋǧystau oblysy Polisiia departamentınıŋ bastyǧy öŋır tūrǧyndaryna ündeu jasady, dep habarlaidy “Adyrna” ūlttyq portaly.
Oqiǧa 16 mausym künı saǧat 21:30 şamasynda bolǧan.
"Qaza bolǧandardyŋ tuystary men jaqyndaryna köŋıl aita otyryp, eskertkım keledı. Jol-kölık oqiǧasynyŋ negızgı sebebı – kölıktıŋ qarsy baǧytqa şyǧyp ketuı. Keşegı qorqynyşty apatty taldai otyryp, «Toyota» kölıgınıŋ ışınde 8 adam bolǧanyn atap ötkım keledı. Eger erejeler saqtalyp, jürgızuşı men jolauşylar qauıpsızdık beldıgın taǧyp, sondai-aq balalarǧa arnalǧan oryndyqtar paidalanylsa, onda kölıkke tek 4 adam ǧana syiady. Al, apat bolǧan jaǧdaida būl qūraldar adam ömırı men densaulyǧyn saqtap qaluy mümkın. Osy jol-kölık oqiǧasyndaǧy ekınşı kölık – «Duster» avtokölıgınıŋ jürgızuşısı bır ai būryn qauıpsızdık beldıgın taqpaǧany üşın eskertu alyp, aiyppūl salynǧan. Osyǧan bailanysty jol qozǧalysy erejelerın saqtaudy jäne öz ömırlerıŋız ben balalaryŋyzdyŋ ömırıne jauapkerşılıkpen qaraularyŋyzdy sūraimyn!"- dep ündeu jasady aimaq tūrǧyndary men qonaqtaryna polisiia general-maiory Aian Düisembaev.
Ūqsas jaŋalyqtar
