Aqtöbede anasyn öltırıp, äjesıne pyşaqpen şabuyl jasady dep aiyptalǧan 11-synyp oquşysyna qatysty sot ükımı şyqty, dep habarlaidy “Adyrna” tılşısı.
“Diapazon” jazuynşa, sot jasöspırımnıŋ psihikalyq auruǧa şaldyqqanyn anyqtap, ony mäjbürlı emdeuge jıberu turaly şeşım qabyldady.
Oqiǧa 2025 jyldyŋ 2 jeltoqsanynda qala ortalyǧyndaǧy päterde bolǧan. Jasöspırım 41 jastaǧy anasyna şabuyl jasaǧan. Äiel oqiǧa ornynda qaza tapqan. 72 jastaǧy äjesı de jaraqat alyp, auruhanaǧa jetkızılgen. Därıgerler onyŋ ömırın saqtap qalǧan.
Sotta jasöspırımnıŋ psihikalyq auruy būǧan deiın jaqyndaryna baiqalmaǧany aityldy. Būǧan deiın ol jeke mektepte oqyp, jaqsy ülgergen. Körşılerı ony tärbielı bala retınde sipattaǧan. Sot otyrysy jasöspırımnıŋ qatysuynsyz öttı. Ol osy uaqyt boiy psihiatriialyq auruhanada bolǧan.
Sot ony kısı öltıru jäne kısı öltıruge oqtalu baptary boiynşa kınälı dep tanyǧanymen, psihikalyq jaǧdaiyna bailanysty qylmystyq jaza taǧaiyndamady. Onyŋ ornyna psihiatriialyq stasionarǧa mäjbürlı emdeluge jıberıldı.
