Jambyl oblysynda 15 jastaǧy kämeletke tolmaǧan qyz säbiın düniege äkeldı, dep habarlaidy "Adyrna" ūlttyq portaly Todayinfo.kz-ke sıltep.
Būl oqiǧaǧa qatysty būrynǧy Ūlttyq ūlannyŋ qatardaǧy jauyngerı küdıkke ılınıp otyr.
Oblystyq polisiia departamentınıŋ mälımetınşe, zaŋbūzuşylyq öŋırdegı oqu oryndarynyŋ bırınde jürgızılgen profilaktikalyq ıs-şara kezınde anyqtalǧan. Aqparat belgılı bolǧannan keiın tekserıs jürgızılıp, Qylmystyq kodekstıŋ «16 jasqa tolmaǧan tūlǧamen jynystyq qatynasqa tüsu» baby boiynşa qylmystyq ıs qozǧaldy.
Qazırgı taŋda küdıktı — Ūlttyq ūlannyŋ būrynǧy jauyngerı. Tergeu bastalǧan. Alaida onyŋ qamauǧa alynǧany nemese bostandyqta jürgenı äzırge naqtylanbaǧan.
Tergeu amaldary jalǧasyp jatyr.
Ūqsas jaŋalyqtar
