Atyrau oblysy jalpyūlttyq «Kıtap oqityn ūlt» jobasyn ıske asyruǧa qosylyp, otbasylyq qūndylyqtardy nyǧaituǧa jäne kıtap arqyly ūrpaqtar sabaqtastyǧyn saqtauǧa erekşe köŋıl bölıp otyr.
2 şılde künı Atyrau oblysynyŋ äkımdıgı men «Kıtap oqityn ūlt – Chitaiuşaia nasiia» qoǧamdyq qory oqu mädenietın damytuǧa jäne respublikalyq kıtap oqu marafonyna daiyndaluǧa baǧyttalǧan yntymaqtastyq turaly memorandumǧa qol qoidy.
Aimaqtaǧy jobanyŋ negızgı baǧyttarynyŋ bırı — «Kıtap oqityn äulet» bastamasy. Onyŋ basty ideiasy — qazaqstandyq otbasylarda bırge kıtap oqu dästürın qaita jaŋǧyrtu, iaǧni kıtapty qarym-qatynas jasauǧa, ömırlık täjıribe almasuǧa jäne ūrpaqtar arasyndaǧy bailanysty nyǧaituǧa yqpal etetın qūralǧa ainaldyru.
Atyrau oblysy ejelden ülkenge qūrmetımen, berık otbasylyq qaǧidalarymen jäne ūrpaqtar sabaqtastyǧymen tanymal. Otbasynda alǧaşqy ömırlık qūndylyqtar, bılımge degen süiıspenşılık jäne ūlttyq mädenietke qyzyǧuşylyq qalyptasady. Sondyqtan otbasylyq kıtap oqu dästürın damytu Qazaqstan Respublikasy Prezidentınıŋ zerdelı ūlt qalyptastyru turaly Jarlyǧyn ıske asyrudyŋ maŋyzdy qūramdas bölıgı retınde qarastyrylady.
Alty ai boiy «Kıtap oqityn ūlt» respublikalyq kıtap oqu marafonyna qatysuşylar joba ūsynǧan tızımdegı 15 şyǧarmany oquy tiıs. Tızımge otbasylyq qūndylyqtarǧa, tärbiege, jauapkerşılıkke jäne halyqtyŋ ruhani mūrasyna arnalǧan kıtaptar engızılgen. Solardyŋ qatarynda Bauyrjan Momyşūlynyŋ «Ūşqan ūia», Mūhtar Maǧauinnıŋ «Bır atanyŋ balalary» jäne Qazaqstan Respublikasy Prezidentı Qasym-Jomart Toqaevtyŋ «Äke turaly oi-tolǧau» kıtaptary bar. Būl şyǧarmalar ata-analardy, balalardy, äjeler men atalardy kıtap oqu mädenietı töŋıregınde bırıktırıp, otbasylyq talqylaulardyŋ negızıne ainaluy tiıs.
Memorandumǧa qol qoiu prezidenttık bastamany öŋırlık deŋgeide ıske asyrudyŋ tetıgı boldy. Qūjat memlekettık organdardyŋ, bılım jäne mädeniet ūiymdarynyŋ, azamattyq qoǧam ökılderınıŋ jäne käsıpkerlık serıktesterdıŋ küş-jıgerın bırıktırudı közdeidı. Būl zamanaui kıtap oqu mädenietın qalyptastyruǧa jäne kıtaptyŋ qazaqstandyqtardyŋ kündelıktı ömırıne enuıne mümkındık beredı.
Jobanyŋ maŋyzdy qūramdas bölıgınıŋ bırı — tehnologiialyq serıktes Yandex Qazaqstan kompaniiasynyŋ «Iаndeks Kıtaptar» servisı. Ol joba qatysuşylaryna auqymdy sifrlyq kıtaphanaǧa qoljetımdılık beredı. Zamanaui tehnologiialardyŋ arqasynda öŋır tūrǧyndary tūrǧylyqty jerıne qaramastan myŋdaǧan şyǧarmany tegın oqi alady. Osylaişa, otbasylyq kıtap oqu qalada da, şalǧai eldı mekenderde de qoljetımdı bolady.
2026 jyly Qazaqstan Respublikasynyŋ Prezidentı kıtap oqu mädenietın damytu jäne zerdelı ūlt qalyptastyru turaly Jarlyqqa qol qoiyp, oqu mädenietın damytudy memlekettık saiasattyŋ basym baǧyttarynyŋ bırı retınde aiqyndady. Qūjat kıtapty nasihattauǧa, oqyrmandyq daǧdylardy damytuǧa jäne kıtap oqudy qoǧamdyq qūndylyqqa ainaldyruǧa baǧyttalǧan ūzaq merzımdı jüielı jūmysty közdeidı.
«Otbasy — kıtap oqudyŋ alǧaşqy mektebı. Är üide bala alǧaş ret kıtapty aşyp, oilanudy, sūraq qoiudy jäne ülkenderdıŋ pıkırın qūrmetteudı üirenedı. Sondyqtan «Kıtap oqityn äulet» baǧyty bız üşın erekşe maŋyzǧa ie. Bırlesken kıtap oqu ūrpaqtar arasyndaǧy bailanysty nyǧaituǧa kömektesedı jäne Atyrau oblysy otbasylary üşın jaŋa igı dästürge ainalady dep senemız», — dedı Atyrau oblysy äkımınıŋ orynbasary Şamuratov Daryn Düisembaiūly.
«Kıtap oqityn ūlt» otbasynan bastalady. Ata-analar, balalar, äjeler men atalar bır kıtapty oqyp, ony bırge talqylaǧanda, kıtap oqu mındet emes, otbasylyq mädeniettıŋ bır bölıgıne ainalady. Däl sondyqtan «Kıtap oqityn äulet» baǧyty bızdıŋ jobamyzda erekşe oryn alady. Bız kıtaptyŋ ärbır qazaqstandyq otbasynyŋ ömırıne qaita enuıne jaǧdai jasauǧa ūmtylamyz, al zamanaui sifrlyq tehnologiialar būl üderıstı ärbır adam üşın qoljetımdı etuge kömektesedı», — dedı «Kıtap oqityn ūlt – Chitaiuşaia nasiia» qoǧamdyq qorynyŋ atqaruşy direktory Aian Sakoşev.
Yntymaqtastyqtyŋ negızgı bastamasy — oquşylardy, studentterdı, pedagogterdı, ata-analardy, aǧa buyn ökılderın jäne tūtas otbasylardy bırıktıretın «Kıtap oqityn ūlt» respublikalyq kıtap oqu marafony. Erekşe nazar bırge kıtap oqyp, ony talqylap, äserlerımen bölısetın otbasylyq komandalarǧa audarylady.
Jaqyn arada öŋırde aimaqtyq jobalyq keŋse qūrylyp, bılım beru jäne mädeniet ūiymdarynda üilestıruşıler belgılenedı. Qatysuşylardy tırkeuge jäne oqylǧan kıtaptardy esepke aluǧa arnalǧan sifrlyq platforma ıske qosylady. Sonymen qatar auyldyq jäne şalǧai eldı mekenderdıŋ tūrǧyndaryn jobaǧa tartuǧa erekşe nazar audarylady. Būl jobaǧa qatysudyŋ ärbır otbasy üşın qoljetımdı boluyna mümkındık beredı.
