Ruhani damu, tūlǧalyq ösu baǧytynda tanymdyq jazbalar jariialap jürgen audarmaşy, didjital-tuyrdyger Janerke Jūmatai öz basynan ötken oqiǧany söz etıp, qazaq tılınıŋ qadır-qasietıne kül şaşpaq bolǧandardy ornyna qoidy. Būl jaily "Adyrna" ūlttyq portaly habarlady.
Bekzat bolmysty qazaqtyŋ qyzy özge tılde söilep, özın "biık" körsetpek bolǧan ärtıstıŋ toǧyşar qylyǧyn synǧa aldy. Oqiǧaǧa qatysty:
- Jolǧa şyqtym. Aeroporttyŋ kütu zalynda elge tanymal bır ärtıstı kördım otbasymen. Äp- ädemı janūia. Menımen bırge avtobusqa otyrdy, ūşaqqa deiın. Qūdaiym- ai! Barǧanşa otbasymen äŋgımelerı de, balany jūbatqany da orysşa.. Ainalaiyn, joǧarydaǧy şendıler, şekpender, ärtıs, aqyn, diktor, ziialy qauym. Öz ana tılımızdı sänge ainaldyryp, brend etpesek jaǧdai qiyn... Otyz jyl boiy aldymen ekonomika dep, tūrmysty köterıp, şyŋyna şyqqan şyǧarmyz. Endı el bolyp ideologiiany qolǧa almasaq bolmaiyn dep tūr... - dep jazdy avtor.
Janerke Jūmatai sol sätte ärtısten öz ana tılınde söileudı sypaiy türde talap etken. Degenmen, ärtıs bırden dürse qoia bergen. Būl jaily avtor:
- Aitpaqşy, nege qazaqşa söilemeisızder degen sūraqqa: - Özıŋız qazaqşadan basqa özge tıl bılmeitın mambetka şyǧarsyz,- degen jauap aldyq. Menıŋ audarmamen ainalysyp jürgenımdı qaidan bılsın! - dedı tıl janaşyry.
Ärtıstıŋ äreketın jaqtap jatqan oqyrmandar joqtyŋ-qasy. Qoraş oqiǧaǧa qatysty qalyŋ köpşılıktıŋ pıkırı tömendegıdei:
"Ruhany kedei sorly bolyp ūrpaǧyn beişara qylyp jatqan zombilar. Nadandar!""Qūldar""Astanada bır şeneunık äielınıŋ “men Qazaqstannan şyqqan şokoladtar «Rahat»fabrikasynan ekenın endı bılıppın. Dämı jaqsy eken” degenı esıme tüsıp otyr. Tıl tügıl konfetımızı mensınbegender köp qoi (sözın orys tılınde aityp edı).
"Adyrna" ūlttyq portaly
Ūqsas jaŋalyqtar
